މާލެ ސަރަހައްދުގެ ހުރިހާ މިސްކިތެއްގައި މިއަދުގެ ހުކުރު ނަމާދު ކުރާނީ ޒުވާން ހަތީބުން ކަމަށް އިސްލާމިކް މިނިސްޓްރީން ބުނެފި އެވެ.
އޭގެ ތެރޭގައި އިސްލާމީ މަރުކަޒާއި ސަލްމާން މިސްކިތް ވެސް ހިމެނެ އެވެ.
މާލެ ސަރަހައްދުގެ އެންމެ ބޮޑު މިސްކިތް އިސްލާމީ މަރުކަޒުގައި މިއަދު އިމާމުވެ ހުކުރު ނަމާދު ކުރާނީ އިސްލާމިކް މިނިސްޓްރީން ބުނި ގޮތުގައި އަބްދުﷲ ބިން އިމްޖާދެވެ. ސަލްމާން މިސްކިތުގެ ހަތީބަކީ މުހައްމަދު ހަނޫން ހުސައިނެވެ.
އިތުރު މިސްކިތްތަކުގައި މިއަދު ހުކުރު ނަމާދުކުރާނެ ހަތީބުން:
- މުހައްމަދު މަބާހް މުހައްމަދު (އިސްކަންދަރު މިސްކިތް)
- އާޔަން އަހުމަދު އިނާން (ޔޫސުފުލް ބަރުބަރީ މިސްކިތް)
- އިސްމާއިލް ރަޝީދު (ބިއްރި މިސްކިތް، ވިލިމާލެ)
- މުހައްމަދު ޔަޝައު މުސްތަފާ (ހަސަން އާދަމް މިސްކިތް، ހުޅުމާލެ 2)
- އަނަސް ބިން ހަސަން (އީމާން މިސްކިތް، ހުޅުމާލެ 2)
- އަހުމަދު އަލްތާފް މޫގިލް (ސަލާހުއްދީން މިސްކިތް)
- އަބްދުﷲ ޔައިސް މުހައްމަދު (އަސްދިގާ މިސްކިތް، ހުޅުމާލެ 1)
- އައްމާރު ބިން އިބްރާހިމް (އަމީލް ޖަލީލް މިސްކިތް، ހުޅުމާލެ 2)
- އިބްރާހިމް ޒާކިރު ޒަލީގް (ވާލިދައިން މިސްކިތް، ހުޅުމާލެ 1)
- ރައްޔާން މުހައްމަދު ރަޝީދު (މަސްޖިދުއްސުލްތާން މުހައްމަދު ބިން އަބްދުﷲ)
- އަހުމަދު ޔޫސުފް ބިން ސައީދު (ފުރުގާން މިސްކިތް)
- ހަމްޒާ ބިން ހަސަން (ނޫރު މިސްކިތް)
- އާކިފް އަބްދުއްސައްތާރު (ޝަހީދު އަލީ މިސްކިތް)
- މުހައްމަދު ދިނާޒް އަހުމަދު ޝަރީފް (ތައިބާ މިސްކިތް)
- ހަނީޒް ހަނީފް (ރަޝީދު މިސްކިތް، (ހުޅުމާލެ 1)
- އުވައިސް ބިން އިނާޒް (ޝައިހް ގާސިމް ބިން މުހައްމަދު އާލް ސާނީ މިސްކިތް)
- ހަސަން މާޒް އަލީ (އަޒީޒާ މިސްކިތް، ހުޅުމާލެ 1)
- އަހުމަދު މާދިން އަބްދުއްސަލާމް (އަބީބަކުރުނިއްސިއްދީގު މިސްކިތް، ހުޅުމާލެ 2)
- އަބްދުﷲ އަކްމަލް ރަޝީދު (އުސްމާން ބިން އައްފާން މިސްކިތް، ހުޅުމާލެ 2)
- ޒައިނުލް އާބިދީން ޔޫސުފް (ދުނބުރި މިސްކިތް)
- އާތިކް އަބްދުއްސައްތާރު (ފަނޑިޔާރު މިސްކިތް)
- މުހައްމަދު މަބާހް މުހައްމަދު (ބަންޑާރަ މިސްކިތް)ު
- މާޔިޒް ބިން މުސްތާގް (އިބްރާހީމީ މިސްކިތް)ު
- އިސްމާއިލް އިފްރާހް އިބްރާހިމް އަލީ (ޖަލާލުއްދީން މިސްކިތް)
މިއަދުގެ ހުކުރު ހުތުބާގެ މައުލޫއުއަކީ "ރަމަޟާން މަހުގެ ފަހު ދިހައެއް" އެވެ.
ޒުވާން ހަތީބުން ތަމްރީނު ކުރުމަށް އިސްލާމިކް މިނިސްޓްރީން 2024 ގައި ޕްރޮގްރާމެއް ފަށައި މިހާތަނަށް 300 އަށް ވުރެ ގިނަ ހަތީބުން ވަނީ އެ ޕްރޮގްރާމް ފުރިހަމަކޮށްފަ އެވެ.
އިސްލާމިކް މިނިސްޓަރު ޝަހީމް ވިދާޅުވެފައިވާ ގޮތުގައި އެއީ ރައީސް ޑރ. މުހައްމަދު މުއިއްޒު ހާއްސަ އިސްނެންގެވުމެއްގެ މަތިން ފެށި ޕްރޮގްރާމެކެވެ.
ސަރުކާރުން އަމާޒު ހިފާފައި ހުރީ މި ދައުރުގެ ތެރޭގައި 1،000 ހަތީބުން ތަމްރީނު ކުރުމަށެވެ.
މި ޕްރޮގްރާމުގެ ދަށުން ހުތުބާ ކިޔުމާއި އިމާމުވެ ނަމާދުކުރުން ފަދަ ދީނީ އެހެން ތަމްރީނުތައް ވެސް ދެ އެވެ. ސްކޫލު ނިމިފައިވާ ޒުވާނުންނާއި ގްރޭޑް 10 އާއި ގްރޭޑް 11 އަދި ގްރޭޑް 12 ގައި އުޅޭ ދަރިވަރުން ވެސް އަންނަނީ މި ޕްރޮގްރާމުގައި ބައިވެރިވަމުންނެވެ.