އެލީޓް ރަނާސް މޯލްޑިވްސްއިން އިންތިޒާމުކޮށްގެން ކުރިއަށް ގެންދާ "ހުޅުމާލެ ރަން 2026" ގެ
ޓައިޓަލް ސްޕޮންސަރަކަށް އެލައިޑް
އިންޝުއަރެންސް ހަމަޖައްސައިފި އެވެ.
"އެލައިޑް ހުޅުމާލެ ރަން 2026" ގެ ނަމުގައި
ކުރިއަށްގެންދާ މި ދުވުން ބޭއްވުމަށް ހަމަޖެހިފައިވަނީ މެއި މަހުގެ 22 ވަނަ ދުވަހު ހުޅުމާލޭ ސެންޓްރަލް ޕާކް ސަރަހައްދުގަ އެވެ. މިއީ ދުޅަހެޔޮ ދިރިއުޅުމަކަށް
ލޯބިކުރާ ފަރާތްތަކުން ނުހަނު
ބޮޑު އިންތިޒާރެއް ކުރަމުން އަންނަ، ރާއްޖޭގައި ބޭއްވޭ ފާހަގަކޮށްލެވޭ އެއް
ދުވުން ކަމަށް އެލައިޑުން ބުންޏެވެ.
މި ދުވުމުގައި އެކި އުމުރުފުރާތަކަށް ބައިވެރިވެވޭނެހެން ހަތަރު ކެޓަގަރީއެއް ހިމެނެ އެވެ. އޭގެ ތެރޭގައި އާއިލާތަކަށް ހާއްސަ އެއް މޭލުގެ ފެމިލީ ރަން، 5 ކިލޯމީޓަރުގެ
ދުވުން، 10 ކިލޯމީޓަރުގެ
ދުވުން އަދި ތަޖުރިބާކާރު
ދުވުންތެރިންނަށް އަމާޒުކޮށްގެން ބާއްވާ 21 ކިލޯމީޓަރުގެ ހާފް މެރަތަން
ހިމެނެ އެވެ.
އެލައިޑުން ބުނީ އެ ދުވުމުގައި ގާތްގަނޑަކަށް 2،500 އެއްހާ ދުވުންތެރިން ބައިވެރިވާނެ ކަމަށެވެ. މި ދުވުމަކީ އިޖުތިމާއީ އެއްބައިވަންތަކަމުގެ އިތުރުން ދުޅަހެޔޮ ސިއްހަތެއްގެ
މުހިންމުކަން ދައްކުވައިދޭނެ ހަރަކާތެއް ކަމަށް ވެސް އެލައިޑުން ބުންޏެވެ.
"އެލައިޑް
ހުޅުމާލެ ރަން" ގައި ހުރިހާ ދުވުންތެރިން ވެސް އެލައިޑް އެކްސިޑެންޓަލް ކަވަރޭޖް ލިބޭނެ އެވެ. އެލައިޑުން ބުނީ ކޮންމެ ދުވުންތެރިއަކަށް ވެސް މިފަދަ ހަރަކާތްތަކުގައި
ދިމާވެދާނެ ކުއްލި ހާދިސާއަކަށް ތައްޔާރުވެގެން ތިބުމަކީ ވަރަށް މުހިންމުކަމެއްގެ ގޮތުގައި އެ ކުންފުނިން ދެކޭ ކަމަށެވެ.
މި ދުވުން
އިތުރަށް ފޯރިގަދަ
ކުރުމުގެ ގޮތުން، ދުވުމުގެ އެކި
ކެޓަގަރީ ތަކުން ވަނަތައް ހާސިލްކުރާ ފަރާތްތަކަށް އެލައިޑްގެ ފަރާތުން ހާއްސަ އިނާމުތަކެއް ދިނުމަށް ވަނީ
ހަމަޖެހިފަ އެވެ. އޭގެ ތެރޭގައި
އެލައިޑް ހެލްތު ކަވަރޭޖާއި އަހަރީ ޓްރެވަލް ކަވަރޭޖް ހިމެނެ އެވެ. މިއީ ދުވުން
ނިމުމަށްފަހު ވެސް، ބައިވެރިންގެ ދުޅަހެޔޮކަމާއި ރައްކާތެރިކަން
ކަށަވަރުކޮށްދިނުމަށް ދޭ ހާއްސަ ހަދިޔާތަކެއް ކަމަށް އެލައިޑުން ބުންޏެވެ.
އެލައިޑުން ބުނީ މި ދުވުމަކީ މުޖުތަމައު ގުޅުން ބަދަހިކޮށް، ދުޅަހެޔޮކަން ޕްރޮމޯޓްކުރުމުގެ ގޮތުން ބާއްވާ ހާއްސަ ދުވުމެއް ކަމަށެވެ.