01 ޑިސެމްބަރ 2025 - 00:11
ހުޅުމާލެ އިން ގެއްލިގެން ހޯދަން ފުލުހުން އިއްޔެ އާންމުކުރި އުމުރުން 14 އަހަރުގެ އަންހެންކުއްޖާ ފެނިއްޖެ ކަމަށް ފުލުހުން ދެންމެ ބުނެފި އެވެ.
"ގެއްލިގެން ހޯދަމުން ދިޔަ ރ. ދުވާފަރު / ސިކްސް ސެންސް، ޝިބާ ރަޝީދު (14އ) 2025 ނޮވެމްބަރު 30 ވަނަ ދުވަހުގެ ރޭގެ ވަގުތެއްގައި އަމިއްލަ އަށް ގެއަށް އައިސްފައިވާ ކަމުގެ މައުލޫމާތު ފުލުހުންނަށް ލިބިފައިވޭ،" ފުލުހުން މީޑިއާއާ ހިއްސާކުރި މެސެޖުގައި ވެ އެވެ.
ފުލުހުން ބުނިގޮތުގައި އެ ކުއްޖާގެ ހާލު ރަނގަޅެވެ. އިތުރު އެއްވެސް ތަފުސީލެއް ނުދެ އެވެ.
ޝިބާ ހޯދަން ފުލުހުން އިއުލާންކުރީ މީގެ ދެ ދުވަސް ކުރިން އަމިއްލަ އަށް ގެއިން ނުކުމެގެން ދިޔަ ގޮތަށް ގެއަށް ނައިސް ޚަބަރެއް ނުވުމުންނެވެ.
ފުލުހުން ބުނީ ހުޅުމާލެ 2 ގަައި ދިރިއުޅޭ ޝިބާ މިދިޔަ ހުކުރު ދުވަހު ފަތިހު 5:55 ހާއިރު ގެއިން ނުކުމެގެން ދިޔަ ގޮތަށް ވީނުވީއެއް ނޭނގި ގެއްލިފައިވާ ކަމަށް އާއިލާއިން އެ ދުވަހު ރިޕޯޓު ކޮށްފަައިވާ ކަމަށެވެ.
ފުލުހުންނަށް މައުލޫމާތު ލިބުމާ އެކު، ކަމާ ގުޅުން ހުރި އިދާރާތަކަށް އެކަމުގެ މައުލޫމާތު ހިއްސާކޮށް، ކުއްޖާ ހޯދުމުގެ މަސައްކަތް ފެށި ކަމަށް ވެސް ފުލުހުން ބުނެފައި ވެ އެެވެ.