ރަތްކާޑްގެ ފައިދާއެއް ޔުނައިޓެޑަކަށް ނުނެގުނު؛ "ޓީމުގައި ހަމަ ކަމެއް ނެތީ"
ރަތްކާޑްގެ ފައިދާއެއް ޔުނައިޓެޑަކަށް ނުނެގުނު؛ "ޓީމުގައި ހަމަ ކަމެއް ނެތީ"

އެވަޓަންއިން މެޗުގެ ބޮޑުބައެއް، އެއް ކުޅުންތެރިޔަކު މަދުކޮށް ކުޅުނު ނަމަވެސް އޭގެ ފައިދާ ނުނެގި މެންޗެސްޓާ ޔުނައިޓެޑް ބަލިވެއްޖެ އެވެ.

ރަތްކާޑްގެ ފައިދާއެއް ޔުނައިޓެޑަކަށް ނުނެގުނު؛ "ޓީމުގައި ހަމަ ކަމެއް ނެތީ"
ރަތްކާޑްގެ ފައިދާއެއް ޔުނައިޓެޑަކަށް ނުނެގުނު؛ "ޓީމުގައި ހަމަ ކަމެއް ނެތީ"

ޕްރިމިއާ ލީގުގައި ރޭ ކުޅުނު މެޗުގެ 13 ވަނަ މިނެޓްގައި އެވަޓަންގެ އިދްރީސަ ގޭ އަށް ރަތް ކާޑް ދެއްކި އެވެ. އޭނާ އަށް ރަތްކާޑް ދެއްކީ އަމިއްލަ ޓީމުގެ ޑިފެންޑަރު މައިކަލް ކީންގެ މޫނުމަތީގައި ޖެހުމުންނެވެ.

ރަތްކާޑްގެ ފައިދާއެއް ޔުނައިޓެޑަކަށް ނުނެގުނު؛ "ޓީމުގައި ހަމަ ކަމެއް ނެތީ"
ރަތްކާޑްގެ ފައިދާއެއް ޔުނައިޓެޑަކަށް ނުނެގުނު؛ "ޓީމުގައި ހަމަ ކަމެއް ނެތީ"

ޓީމުގެ ދެ ކުޅުންތެރިޔެއްގެ ދެމެދުގައި އުފެދުނު ހައިޖާނުގެ އަސަރު ޓީމަށް ކުރިޔަކަ، އެވަޓަންގެ ކުޅުންތެރިން ނުދިނެވެ. އެ ޓީމުގެ ލަނޑު ކީރްމަން ޑިއުސްބަރީ ހޯލް ޖެހީ މެޗުގެ 29 ވަނަ މިނެޓްގަ އެވެ.

ލީޑް ނަގައި އެ ނަތީޖާ ހިފެހެއްޓުމަށް ޑިފެންސިވް ގޭމް އެވަޓަން އިން ރަނގަޅަށް ކުޅެފަ އެވެ.

ޔުނައިޓެޑްގެ ކޯޗު ރުބެން އަމޮރިމް ބުނި ގޮތުގައި އެއް ކުޅުންތެރިޔަކު މަދުކޮށް ކުޅުނު ނަމަވެސް އެވަޓަން ފެނުނީ ޔުނައިޓެޑަށް ވުރެ ވެސް މަ ގަދަކޮށެވެ. ޔުނައިޓެޑްގެ ކިބައިން އެއްވެސް ކަމެއް ނުފެނުނު ކަމަށް އެ ކްލަބްގެ ކޯޗުކަމާ މިދިޔަ އަހަރު ނޮވެމްބަރު މަހު ހަވާލުވި އަމޮރިމް ބުންޏެވެ.

"ޓީމު ހަމަޔަށް 11 ކުޅުންތެރިންނާ އެކު ތިބި އިރު އެ ޓީމަކީ އެންމެ ރަނގަޅު ޓީމު. އޭގެ ފަހުން 10 ކުޅުންތެރިންނާ އެކު 70 މިނެޓް ވަންދެން އެ ޓީމު ރަނގަޅަށް މަސައްކަތް ކުރި. އަހަރެމެންނަށް ބަލިވުން ހައްގު. އަހަރެމެންނަށް ރަނގަޅަކަށް ނުކުޅެވުނު. ގޭމް ކުޅެންޖެހޭ ހަލުވިމިނުގައި ވެސް ގޭމެއް ނުކުޅެވުނު. އަހަންނަށް އެނގޭ އަހަރެމެން މިތިބީ ކޮން ޕޮއިންޓެއްގައިކަން" އަމޮރިމް ބުންޏެވެ.

އޭނާ ބުނީ ލީގުގެ ގަދަ ކްލަބްތަކުގެ މަގާމާ ކައިރިކުރާ ހިސާބަށް ވެސް ޔުނައިޓެޑަށް ދެވެން ނެތް ކަމަށެވެ.

"އަހަރެމެން މިތީ އެހާހިސާބަކު ނޫން. އަހަރެމެން އޮންނަން ބޭނުންވާ ހިސާބަކާ ކައިރިކުރާ ވަރެއްވެސް ނުވޭ. އަހަރެމެން އެބަޖެހޭ ލައްކަ ގިނަ މަސައްކަތް ކުރަން،" އަމޮރިމް ބުންޏެވެ.

އެވަޓަންއިން އޯލްޑްޓްރަފޯޑްގައި ޔުނައިޓެޑްގެ މައްޗަށް ލީގުގައި ކުރި ހޯދީ 12 އަހަރަށް ފަހު އެވެ. އެ ޓީމުން މީގެ ކުރިން އެކަން ކުރީ 2013 ގަ އެވެ.