އިސްތިއުފާގެ ކުރިން ފައްޔާޒު: "ހިތަށްވީ ތަދުގެ ބަދަލު ހޯދަން އުޅެގެން ކުރިއެރުމެއް ނެތް"
އިސްތިއުފާގެ ކުރިން ފައްޔާޒު: "ހިތަށްވީ ތަދުގެ ބަދަލު ހޯދަން އުޅެގެން ކުރިއެރުމެއް ނެތް"

އެމްޑީޕީގެ ޗެއާޕާސަންގެ މަގާމުގައި ހޭދަކުރެއްވި މުއްދަތުގައި އެންމެ ބޮޑަށް ބެއްލެވީ އެ ޕާޓީގެ އެއްބައިވަންތަކަން ގާއިމްކޮށް "އެއްވެގެން" މަސައްކަތް ކުރެވޭތޯ ކަމަށާއި މާޒީގައި ހިތަށްވީ ތަދުގެ ބަދަލު ހޯދަން އުޅެގެން އެމްޑީޕީ އަށް ކުރިއެރުން ލިބޭ ތަން ފެނިވަޑައިނުގަންނަވާ ކަމަށް އެ މަގާމުން ރޭ އިސްތިއުފާ ދެއްވި ފައްޔާޒު އިސްމާއިލް ވިދާޅުވެއްޖެ އެވެ.

އިސްތިއުފާގެ ކުރިން ފައްޔާޒު: "ހިތަށްވީ ތަދުގެ ބަދަލު ހޯދަން އުޅެގެން ކުރިއެރުމެއް ނެތް"
އިސްތިއުފާގެ ކުރިން ފައްޔާޒު: "ހިތަށްވީ ތަދުގެ ބަދަލު ހޯދަން އުޅެގެން ކުރިއެރުމެއް ނެތް"

ރޭ ބޭއްވި އެމްޑީޕީގެ ގައުމީ މަޖިލިހުގެ ބައްދަލުވުމުގެ ރިޔާސަތުގައި އިންނެވި ފައްޔާޒު އެ ބައްދަލުވުން ނިންމަވާލެއްވުމުގެ ގޮތުން ދެއްކެވި ވާހަކައިގައި ވަނީ އެ ޕާޓީގެ ޗެއާޕާސަންގެ މަގާމުން އިސްތިއުފާ ދެއްވާނެ ކަން އިއުލާން ކުރައްވައިފަ އެވެ. އެ ބައްދަލުވުން ނިންމާލައްވައި، އިރުކޮޅެއް ފަހުން ފައްޔާޒު ވަނީ އިސްތިއުފާ ދެއްވައި، އެކަން ސޯޝަލް މީޑިއާގައި އާންމު ކުރައްވައިފަ އެވެ.

އިސްތިއުފާގެ ކުރިން ފައްޔާޒު: "ހިތަށްވީ ތަދުގެ ބަދަލު ހޯދަން އުޅެގެން ކުރިއެރުމެއް ނެތް"
އިސްތިއުފާގެ ކުރިން ފައްޔާޒު: "ހިތަށްވީ ތަދުގެ ބަދަލު ހޯދަން އުޅެގެން ކުރިއެރުމެއް ނެތް"

މީޑިއާ ނުވައްދައި ރޭ ބޭއްވި ގައުމީ މަޖިލިހުގެ ބައްދަލުވުމުގެ ރިޔާސަތުގައި އިންނަވައިގެން ދެއްކެވި އެންމެ ފަހު ވާހަކައިގައި ފައްޔާޒު ވަނީ އޭނާ ޗެއާޕާސަންގެ މަގާމާ މޭ 23، 2022 ގައި ހަވާލުވެވަޑައިގެންނެވި ހިސާބުން މިހާތަނަށް ކުރެއްވި ސިޔާސީ މަސައްކަތްތައް ކުރުކޮށް ވިދާޅުވެ ދެއްވައިފަ އެވެ. ހާއްސަކޮށް ކުރީގެ ރައީސް އިބްރާހިމް މުހައްމަދު ސޯޯލިހާއި ކުރީގެ ރައީސް މުހައްމަދު ނަޝީދާ ދެބޭފުޅުންގެ ނުތަނަވަސްކަމުން އެމްޑީޕީ ސަލާމަތް ކުރަން ކުރެއްވި މަސައްކަތްތައް ހާމަކޮށްދެއްވި އެވެ.

އިސްތިއުފާގެ ކުރިން ފައްޔާޒު: "ހިތަށްވީ ތަދުގެ ބަދަލު ހޯދަން އުޅެގެން ކުރިއެރުމެއް ނެތް"
އިސްތިއުފާގެ ކުރިން ފައްޔާޒު: "ހިތަށްވީ ތަދުގެ ބަދަލު ހޯދަން އުޅެގެން ކުރިއެރުމެއް ނެތް"

އެ ހުރިހާ ވާހަކަތަކެއް ދެެއްކެވުމަށް ފަހު، ފައްޔާޒު ވިދާޅުވީ ޗެއާޕާސަންގެ މަގާމުގައި ހުންނަވައިގެން އޭނާ އަބަދުވެސް މަސައްކަތް ކުރެއްވީ އެމްޑީޕީގެ އެތެރޭގައި އުފެދިފައިވާ "ސްޕްލިޓް" ނުވަތަ ބައިބައިވުން ނައްތާލަން ކަމަށެވެ.

ފައްޔާޒު ވިދާޅުވި ގޮތުގައި، ކުރިއަށް ހުރި އިންތިހާބުތައް ވެސް އެމްޑީޕީ އަށް ކާމިޔާބު ކުރެވޭނީ އެ ބައިބައިވުންތައް ނައްތާލައިގެން "އެއްވެގެން" ނެވެ.

"އަޅުގަނޑުމެންނަށް ހިތަށްވީ ތަދުގެ ބަދަލު ހޯދަން އުޅެގެންނެއް އަޅުގަނޑުމެންނަކަށެއް ކުރިއެރުމެއް ލިބޭ ތަނެއް އަޅުގަނޑަކަށް ނުފެނޭ. އަޅުގަނޑު ގަބޫލުކުރާ ގޮތުގައި ސިޔާސީ ލީޑަރުންނަކީ އެ ކަހަލަ އިހުސާސްތަކުގެ މައްޗަށް އެރެން ޖެހޭނެ ބައެއް. އެ އިހުސާސްތަކުގެ މައްޗަށް އަރައި ގައުމާއި ރައްޔިތުންނަށް ފައިދާވާނެ ނިންމުންތަކެއް ނިންމަން ޖެހޭނެ ބައެއް. އެ ލީޑަރުންނަކީ ތިޔަބޭފުޅުން،" ގައުމީ މަޖިލިހުގެ ރޭގެ ބައްދަލުވުމަށް ހާޒިރުވި ފަސްދޮޅަހަކަށް މެމްބަރުންނަށް އިޝާރާތް ކުރައްވަމުން ފައްޔާޒު ވިދާޅުވި އެވެ.

އޭނާ ވިދާޅުވި ގޮތުގައި އެމްޑީޕީގެ އެތެރޭގައި މިހާރު އޮތް "ފިތުނަ" ނައްތާލުން ނުވަތަ އެ ވިސްނުން ބަދަލުކުރަންޖެހޭ ބަޔަކީ އެ ޕާޓީގެ ލީޑަޝިޕާއި ގައުމީ މަޖިލިހުގެ މެމްބަރުންނެވެ.

އެހެން ވިދާޅުވުމަށް ފަހު، ފައްޔާޒު ދެން އިއުލާން ކުރެއްވީ އެމްޑީޕީގެ ޗެއާސަންގެ މަގާމުން އިސްތިއުފާ ދެއްވަން ނިންމެވި ކަމެވެ.

އެމްޑީޕީގެ އެތެރޭގެ ގުޅުން "އެއްނުކުރެވޭ" ވާހަކައިގައި ފައްޔާޒު އިޝާރާތް ކުރައްވަނީ ކުރީގެ ރައީސް ނަޝީދު އަލުން އެ ޕާޓީއާ ގުޅިވަޑައިގެންފައިވާއިރު، އަދިވެސް އެ ގުޅުން ރަނގަޅު ނުކުރެވޭ މައްސަލާގައި ކަމަށް ބެލެވެ އެވެ.

ނަޝީދު އަލުން އެމްޑީޕީއާ ގުޅިވަޑައިގަތީ މި އަހަރުގެ ޖޫން 23 ގަ އެވެ. އެކަމަކު، އޭގެ ފަހުން ވެސް ކުރީގެ ރައީސް އިބްރާހިމް މުހައްމަދު ސޯލިހާ ދެބޭފުޅުންގެ ގުޅުން ރަނގަޅުވި ތަނެއް ނުފެނެ އެވެ.

ކުރިއަށް އޮތް 2028 ގެ ރިޔާސީ އިންތިހާބަށް އެމްޑީޕީގެ ޓިކެޓު ހޯއްދަވަން ޕްރައިމަރީގައި ވާދަކުރައްވާނެ ކަން މިހާތަނަށް ރަސްމީކޮށް އިއުލާން ކުރެއްވި ހަމައެކަނި ބޭފުޅަކީ ފައްޔާޒެވެ.

ގައުމީ މަޖިލިހުގެ ރޭގެ ބައްދަލުވުމުގައި ވެސް އެކަން ފާހަގަކުރައްވަމުން އެމްޑީޕީގެ އެންމެ ފަހުގެ ސަރުކާރުގެ އިކޮނޮމިކް މިނިސްޓަރުކަން ވެސް ކުރެއްވި ފައްޔާޒު ވިދާޅުވީ، ކެންޑިޑެސީ އިއުލާން ކުރެއްވި ފަހުން ޕާޓީގެ މަސައްކަތްތަކުގައި ވަރަށް ބޮޑެތި ގޮންޖެހުންތައް ކުރިމަތިވާ ކަމަށެވެ.

އެއް ކަމެއްގެ ގޮތުގައި ވިދާޅުވީ، ޗެއާޕާސަންގެ މަގާމުގައި ހުންނަވައިގެން ކުރައްވާ ކޮންމެ ކަމަކީ އޭނާ އަށް ފައިދާ ވެދާނެ ކަމެއް ކަަމަށް އެމްޑީޕީގެ ރިޔާސީ ޓިކެޓަށް ދެން ޝައުގުވެރިވެވަޑައިގަންނަވާ އެހެން ބޭފުޅުންނަށް ފެނި، ޕާޓީގެ ކުރިއެރުމަށް ހިޔަނި އެޅުމެވެ.

"އަޅުގަނޑު ޗެއާޕާސަން ކަމުގައި މަސައްކަތްކުރީ އަޅުގަނޑުމެންގެ ތެރޭގައި އައި ސްޕްލިޓް އެއްކުރުމުގެ މަސައްކަތް،" ފައްޔާޒު ވިދާޅުވި އެވެ.

އެމްޑީޕީގެ ޗެއާޕާސަންގެ މަގާމުން ފައްޔާޒު ކުއްލި ގޮތަކަށް ރޭ އިސްތިއުފާ ދެއްވީ އަންނަ އަހަރުގެ ލޯކަލް ކައުންސިލްތަކުގެ އިންތިހާބުގައި މާލޭގެ މޭޔަރުގެ ޓިކެޓް ހޯދުމުގެ ވާދަވެރިކަން އެ ޕާޓީގެ ތެރޭގައި ގަދަވެ، ބަހުގެ ހަމަލާތައް ވަރުގަދަ ވެފައި ވަނިކޮށެވެ. މޭޔަރުގެ ޓިކެޓް ހޯދަން ޕްރައިމަރީ އަށް މިހާރު ކެމްޕެއިން ކުރައްވަނީ މިހާރު ވެސް މާލޭގެ މޭޔަރު އާދަމް އާޒިމާއި ރައްޔިތުންގެ މަޖިލިހުގެ ކުރީގެ މެމްބަރު އަލީ އާޒިމެވެ.

ކުރީގެ ރައީސް އިބްރާހިމް މުހައްމަދު ސޯލިހާއި އެ މަނިކުފާނުގެ ސަޕޯޓަރުންގެ ގިނަ ބަޔަކު އާދަމް އާޒިމްގެ ފަހަތުގައި ތިބިއިރު، އަލީ އާޒިމާ އެކު ތިބި ތަން ފެންނަނީ ކުރީގެ ރައީސް ނަޝީދާއި ފައްޔާޒުގެ ސަޕޯޓަރުންނެވެ.