16 ނޮވެމްބަރ 2025 - 08:48
ކިޔުރެސޯއޯ (Curacao) ކިޔާ ގައުމެއްގެ ވާހަކަ ދުވަހަކު ވެސް އަޑުއެހިން ހެއްޔެވެ؟ ގިނަ ބަޔަކަށް ކުރިން އެ ކުޑަކުޑަ ގައުމުގް ނަން ނޭނގުނަސް މިހާރު އެ ކުޑަކުޑަ ގައުމުން އޮތީ ދުނިޔޭގެ ފުޓްބޯޅައިގެ އެންމެ ބޮޑު ސްޓޭޖާ ފިޔަވަޅަކާ ކައިރީގަ އެވެ.
އަންނަ އަހަރު ބާއްވާ ވޯލްޑް ކަޕްގެ ޖާގަ އެއް ހޯދުމަށް، 156،111 މީހުންގެ އާބާދީއެއް އޮތް ކުޑަކުޑަ އެ ގައުމަށް ބޭނުން ވަނީ އެންމެ ޕޮއިންޓެކެވެ.
ބުރާސްފަތި ދުވަހުގެ ރޭ ބާމިއުޑާއާ ދެކޮޅަށް ކުޅުނު މެޗު 7-0 ން ކާމިޔާބުކޮށް ކިޔުރެސޯއޯ ވަނީ ވޯލްޑް ކަޕަށް ކޮލިފައިވުމުގެ އުއްމީދު ދަމަހައްޓައިފަ އެވެ.
އުތުރު އެމެރިކާ ބައްރުގެ ކޮލިފައިންގެ ތިންވަނަ ބުރުގެ ގުރޫޕް ބީގެ އެއްވަނައިގައި ކިޔުރެސޯއޯއިން އެއްވަނައިގައި އޮތީ 11 ޕޮއިންޓާ އެކު އެވެ.
ދެވަނައިގައި އޮތް ޖަމައިކާއާ ދެކޮޅަށް ބުދަ ދުވަހު ކުޅޭ މެޗު އެއްވަރުކޮށްލިޔަސް ކިޔުރެސޯއޯ ވޯލްޑަ ކަޕަށް ކޮލިފައިވާނެ އެވެ.
އެހެންވެއްޖެނަމަ ގައުމު ވެގެންދާނީ ވޯލްޑް ކަޕްގެ ތާރީހުގައި އެ މުބާރާތުގައި ކުޅޭނެ އެންމެ ކުޑަ ގައުމަށެވެ.
ކެރީބިއަން ކަނޑުގައި ކިޔުރެސޯއޯ އަކީ ނެދަލެންޑްސްއިން ކޮންޓްރޯލު ކުރާ ޖަޒީރާ އެކެވެ. ނެދަލެންޑްސްގެ ރަސްކަމުގެ ފަރާތުން ބަލަހައްޓާ އެކަމަކު ވަކި ދައުލަތެއްގެ ގޮތުގައި ހިންގާ ގައުމެކެވެ. އެ ބާރު ނެދަލެންޑްސްއިން އެ ގައުމަށް ދިނީ 2010 ގަ އެވެ.
ކިޔުރެސޯއޯ އަށް ފުޓްބޯޅައިގެ ރައްމީ ހައިސިއްޔަތު ލިބުނީ 2016 ގަ އެވެ.
އެ ގައުމުގެ ކޯޗަކީ ނެދަލްންޑްސްގެ ކުރީގެ ކޯޗު ޑިކް އެޑްވޮކޭޓެވެ.