21 ސެޕްޓެމްބަރ 2025 - 14:24
އައިކެއާ އޮޕްޓިކަލްސްއިން ދެ މީހަކަށް ތިން ދުވަހުގެ މެލޭޝިއާ ދަތުރެއް ދޭ ޕްރޮމޯޝަނެއް ފަށައިފި އެވެ.
މިއަދު އައިކެއާގައި ފެށި މި ޕްރޮމޯޝަނުގައި މި މަހުގެ 30 ވަނަ ދުވަހުގެ ނިޔަލަށް އައިކެއާއިން ހައްދާ ކޮންމެ ނަންބަރު އައިނަކަށް 1،000ރ. ގެ ޑިސްކައުންޓް ވައުޗަރެއް ލިބޭނެ އެވެ. އަދި އައިނު ގަންނަން އެ ވައުޗަރު ބޭނުންކުރުމުން، މެލޭޝިއާ ދަތުރުގެ ލަކީޑްރޯގައި އޮޓޮމެޓިކުން ބައިވެރިވެވޭނެ އެވެ.
މި ޕްރޮމޯޝަނުގެ ދަށުން އައިނު ހައްދާ ފަރާތްތަކަށް ބޯނަހެއްގެ ގޮތުގައި 500ރ. ގިފްޓް ވައުޗަރެއް ވެސް ލިބޭނެ އެވެ. ދެ ހަފުތާގެ މުއްދަތެއްގައި ބޭނުން ކުރެވޭ އެ ވައުޗަރަކީ ބޭނުންނަމަ އެހެން މީހަކަށް ހަދިޔާ ކުރުމުން އެ މީހަކަށް ވެސް ބޭނުން ކުރެވޭނެ ވައުޗަރެކެވެ.
މި ޕްރޮމޯޝަނުގެ ބޮޑު އިނާމެއްގެ ގޮތުގައި ކަނޑައަޅާފައިވާ މެލޭޝިއާ ދަތުރަށް ދެކޮޅު ޓިކެޓާއި ހޮޓަލެއްގައި ތިން ދުވަހަށް ތިބުމުގެ ހަރަދާއި އިތުރު ހަރަދުތަކަށް 500 ޑޮލަރު ވެސް ދިނުމަށް ވަނީ ހަމަޖެހިފަ އެވެ.
ސްކޫލް ޗުއްޓީއާ ދިމާކޮށް އައިކެއާއިން ފެށި މި ޕްރޮމޯޝަން އައިކެއާ އޮޕްޓިކަލްސްގެ ހުރިހާ އައުޓްލެޓެއްގައި ވެސް ކުރިއަށް ދާނެ އެވެ.