12 އޯގަސްޓް 2025 - 12:30
ދިރާގުން ކުރިއަށްގެންދިޔަ ފޯރިގަދަ 'ވިން އަ ޑްރީމް ހޮލިޑޭ' ޕްރޮމޯޝަންގެ ނަސީބުވެރިންނަށް އިނާމު ހަވާލުކޮށްފި އެވެ.
މި ޕްރޮމޯޝަންގައި ސްވިޒަލޭންޑަށް ދެ މީހުން ދިއުމުގެ ފުރުސަތާއި ޝެންހާއި ޑިޒްނީލޭންޑަށް އާއިލާއާއެކު 2 މީހުންނާއި 2 ކުޑަކުދިންނަށް ދިއުމުގެ ފުރުސަތާއި މެލޭޝިއާއަށް ދެ މީހުންނަށް ދިއުމުގެ ފުރުސަތު ދިރާގުން ދިނެވެ.
ދިރާގުން ހުށަހެޅި މި ދަތުރުތަކުގެ ތެރެއިން ގުރުއަތުން ސްވިޓްޒަލޭންޑް ދަތުރު ލިބުނީ ޝަމްރޫހް ޝަރީފް އަށެވެ. ޝެންހާއި ޑިޒްނީލޭންޑް ދަތުރު ލިބުނީ އަހްމަދު ޝިހާމްއަށެވެ. އަދި މެލޭޝިއާ ދަތުރު ލިބުނީ ހުސައިން ފަޒީލްއަށެވެ.
"ވިން އަ ޑްރީމް ހޮލިޑޭ" ޕްރޮމޯޝަންގައި ބައިވެރިވުމުގެ ފުރުސަތު ދިނީ ދިރާގު ޕޯސްޓްޕެއިޑް 450 އަށް ވުރެ މަތީގެ ޕެކޭޖުތަކަށް އަޕްގްރޭޑްކޮށްފައިވާ ކަސްޓަމަރުންނާއި ދިރާގު ލިމިޓެއް ނެތް ފައިބާ ޕެކޭޖަކަށް ސަބްސްކްރައިބްކޮށްފައިވާ ކަސްޓަމަރުންނަށެވެ.
އެކި ކަސްޓަމަރުންގެ ބޭނުންތަކަށް ހާއްސަކޮށްގެން، ތަފާތު އެކި ޕޯސްޓްޕެއިޑް އަދި ލިމިޓެއް ނެތް ފައިބާ ޕެކޭޖްތައް ދިރާގުން އަންނަނީ ފޯރުކޮށްދެމުންނެވެ. ދިރާގަކީ ރާއްޖޭގައި ތަފާތު ގިނަ ޕްރޮމޯޝަންތައް ހިންގައި، ހެޔޮ އަގުގައި ގިނަ އޮފާތަކާއި އަގުހުރި އިނާމުތައް ކަސްޓަމަރުންނާ ހަމައަށް ގެނެސްދެމުން އަންނަ ކުންފުންޏެކެވެ.