10 އޯގަސްޓް 2025 - 16:00
މިދިޔަ 15 އަހަރުގެ ތެރޭގައި ދައުލަތަށް އެންމެ ގިނައިން ޓެކްސް ދެއްކި 15 ކުންފުންޏަކަށް މީރާއިން ހާއްސަ އެވޯޑެއް ދީފި އެވެ.
"ރަން ފަނަރަ"ގެ ނަމުގައި އެ އެވޯޑް ހަވާލު ކޮށްދެއްވީ މީރާގެ އަހަރީ ދުވަސް ފާހަގަކުރަން ރޭ ބޭއްވި ރަސްމިއްޔާތުގައި ފިނޭންސް މިނިސްޓަރު މޫސާ ޒަމީރެވެ.
އެންމެ ގިނައިން ޓެކްސް ދެއްކި 15 ކުންފުނި
- ބޭންކް އޮފް މޯލްޑިވްސް
- ދިރާގު
- އައި އެންޑް ޓީ މެނޭޖްމަންޓް
- އިތާފުށި އިންވެސްޓްމެންޓް
- ކާސާ ހޯލްޑިންގްސް
- ކުރެއްދޫ ހޯލްޑިންގްސް
- މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް)
- އުރީދޫ މޯލްޑިވްސް
- ގަތަރު އެއާވޭސް
- ރީތި ރަށް ރިސޯޓް
- ސްޓޭޓް ބޭންކް އޮފް އިންޑިއާ
- އެސްޓީއޯ
- ޓީއެމްއޭ
- ޔުނިވާސަލް އެންޓަޕްރައިސަސް
- ވިލާ ޝިޕިން އެންޑް ޓްރޭޑިން
މީރާއިން ބުނި ގޮތުގައި އެ 15 ކުންފުންޏަކީ 2011 ވަނަ އަހަރުން ފެށިގެން މިދިޔަ ޖޫން މަހުގެ 30 ވަނަ ދުވަހުގެ ނިޔަލަށް މީރާއަށް އެންމެ ގިނައިން ޓެކްސް ދެއްކި ފަރާތްތައް ކަމަށެވެ. ނަމަވެސް، އެ ކުންފުނިތަކުން ޓެކްސްގެ ގޮތުގައި ދެއްކި ފައިސާގެ އަދަދެއް މީރާއިން ހާމަކޮށްފައެއް ނުވެ އެވެ.