05 އޯގަސްޓް 2025 - 23:53
ރައީސް ޑރ. މުހައްމަދު މުއިއްޒުގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމައިލެއްވުމަށް ފަހު މިރޭ ރާއްޖެ ވަޑައިގެންފި އެވެ.
ރައީސްގެ ދެކަނބަލުން އަމިއްލަފުޅު ދަތުރުފުޅެއްގައި ސިންގަޕޫރަށް ފުރާވަޑައިގަތީ މިދިޔަ ޖުލައި 30 ވަނަ ދުވަހުގެ ރޭގަ އެވެ.
އެއީ އަމިއްލަ ދަތުރުފުޅަކަށް ވާތީ ފެށުނީއްސުރެ އަމަލު ކުރަމުން އަންނަ އުސޫލުގެ މަތިން އެ ދަތުރުފުޅުގެ ތަފުސީލެއް ރައީސް އޮފީހުން ހާމައެއް ނުކުރެ އެވެ.
ރައީސް މުއިއްޒު ވަނީ ސިންގަޕޫރުގެ ރައީސް ތަރްމަން ޝަންމުގަރަނަމްގެ ދައުވަތަކަށް މިދިޔަ ޖޫން މަހުގެ 29 އިން ޖުލައި މަހުގެ ދެވަނަ ދުވަހުގެ ނިޔަލަށް އެ ގައުމަށް ފުރަމާނަ ދަތުރުފުޅެއް ވެސް ކުރައްވައިފަ އެވެ.