17 ޖުލައި 2025 - 23:09
މުސާރަ ލިބޭ ގޮތަށް 8 މަސް ދުވަހުގެ ސަސްޕެންޝަނުގައި ބެހެއްޓުމަށް ފަހު، އެސިސްޓެންޓް ކޮމިޝަނަރު އޮފް ޕްރިޒަންސް މުހައްމަދު އާސިފް އިއްޔެ ވަޒީފާ އިން ވަކިކޮށްފި އެވެ.
އެ އިދާރާގެ މީޑިއާ އޮފިޝަލު ވިދާޅުވީ، ބަލަންޖެހޭ ކަންތައްތައް ބެލުމަށް ފަހު، އާސިފު ވަޒީފާ އިން ވަކިކޮށްފައިވާ ކަމަށެވެ. އިތުރު ތަފްސީލެއް ނުދެއްވަ އެވެ.
ޕްރިޒަންސް ކުލަބުގެ އެކައުންޓުން ދެ ލައްކަ އަށް ވުރެ ގިނަ ރުފިޔާ އެކި އެކައުންޓުތަކަށް ޖަމާކުރުމުގެ މައްސަލަ ފެންމަތިވެ، އޭނާ ސަސްޕެންޑުކުރީ މިދިޔަ އަހަރުގެ ނޮބެމްބަރު 7 ގަ އެވެ.
އެނގިފައިވާ ގޮތުގައި، ސަސްޕެންޝަނުގައި ހުންނެވިއަސް އާސިފަށް ބަރާބަރަށް މުސާރަ ލިބިވަޑައިގަތެވެ.
ޕްރިޒަންސް ކުލަބުގެ ރައީސްކަން ކުރައްވާ އާސިފްގެ ހިޔާނާތުގެ މައްސަލަ ފެންމަތިކޮށް މުވައްޒަފުން، ކޮމިޝަނަރު އޮފް ޕްރިޒަންސް ހަސަން ޒަރީރަށް ޕެޓިޝަނެއް ވެސް ހުށަހެޅި އެވެ. ނަމަވެސް، އޭނާއާ މެދު ފިޔަވަޅު އެޅުން ލަސްވެ މުވައްޒަފުން ކަންބޮޑުވުން ފާޅުކޮށްފައިވެ އެވެ.