22 މާޗް 2017 - 11:43
ސްރީ ލަންކާގެ އިމިގްރޭޝަނުގެ ޑިޓެންޝަން ސެންޓަރެއްގައި ހައްޔަރުކޮށްފައި ހުރި ދިވެއްސަކު އެހެން ބަޔަކާ އެކު ފިލައިފި އެވެ.
ސިލޯން ޓުޑޭގައި ބުނެފައިވާ ގޮތުގައި ދިވެއްސަކާއި ނައިޖީރިއާ ދެ މީހަކާއި ތުރުކީ މީހަކު ފިލާފައި ވަނީ ހޯމަ ދުވަހުގެ ރޭގެ ވަގުތެއްގަ އެވެ. މި މީހުން ބަންދުކޮށްފައި ތިބީ ލަންކާގެ އިމިގްރޭޝަން ޑިޕާޓްމަންޓުގެ ބެލުމުގެ ދަށުގައި ހުންނަ މިރިހާނާ ޑިޓެންޝަން ސެންޓަރުގަ އެވެ.
އެ މީހުން ބަންދުކޮށްފައި ތިބީ އިމިގްރޭޝަންގެ ގާނޫނާ ހިލާފުވެގެން ކަމަށް ސިލޯން ޓުޑޭއިން ބުންޏެވެ. ނަމަވެސް ތަފްސީލު ހާމަކޮށްފައެއް ނުކުރެ އެވެ. އަދި އެ މީހުން ފިލިގޮތެއް ވެސް ނޭނގެ އެވެ.
ލަންކާ ފުލުހުން އަންނަނީ އެ މައްސަލަ ތަހުގީގުކުރަމުންނެވެ.