01 ޖުލައި 2025 - 18:53
ގުޅިފަޅުގެ ލޭންޑް ޔޫސް ޕްލޭނަށް ގެނައި ބަދަލާ އެކު، ކުރިން ގޯތިތަކަށް ހަދައިދީފައިވާ ރެޖިސްޓްރީތައް ބާތިލްކޮށް އަލަށް ހަދާ ރެޖިސްޓްރީ ހޯދުމަށް އެޕޮއިންޓްމަންޓަށް ހުޅުވާލައިފި އެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ހެދި ގުޅިފަޅު ލޭންޑްޔޫޒް ޕްލޭން ބަދަލުކޮށް ގިރާވަރު ފަޅުގެ ގޯތިތައް ގުޅިފަޅުން މިހާރު ހިއްކާފައިވާ ސަރަހައްދުން ލިބޭ ގޮތަށް ވަނީ ބަދަލުކޮށްފަ އެވެ. އެހެންވެ ކުރީގެ ރަޖިސްޓްރީތައް ބާތިލްކޮށް، ގޯތި ލިބޭ ސަރަހައްދުތައް އަލުން ކަނޑައަޅައަޅަން އަލުން ވަނީ ގުރުއަތު ނަގައިފަ އެވެ.
މިނިސްޓްރީން މިއަދު ކުރި އިއުލާނެއްގައި ބުނީ އާ ބަދަލާ އެއްގޮތަށް، ގޯތި ލިބިފައިވާ މީހުންނަށް "ބަންޑާރަ ގޯތީގެ ރަޖިސްޓްރީ" އާއި "ބަންޑާރަ ގޯތީގެ އެއްބަސްވުން" ދޫކުރާނީ "ހިޔާވެހި ޕޯޓަލް" މެދުވެރިކޮށް އެޕޮއިންޓްމެންޓް އުސޫލުން ކަމަށެވެ.
މިއަދުން ފެށިގެން "ހިޔާވެހި ޕޯޓަލް" މެދުވެރިކޮށް އެޕޮއިންޓްމަންޓަށް ހުޅުވާލާފައިވާ ކަމަށާއި ކޮންމެ ދުވަހަކަށް ވެސް އެޕޮއިންޓްމަންޓް ދޫކުރާނީ ވަކި އަދަދަކަށް ކަމަށް އިއުލާނުގައިވެ އެވެ. އަދި އަންނަ ހަފްތާގެ ހޯމަ ދުވަހުގެ ހެނދުނު 9:30 އިން ފެށިގެން ގޯތީގެ ރަޖިސްޓްރީ އާއި އެއްބަސްވުން ދޫކުރުމަށް ނިންމާފައިވާ ކަމަށް މިނިސްޓްރީން ބުންޏެވެ.
- ހެކިވެރިއެއްގެ އައިޑީ ކާޑު ކޮޕީ
- ބަދަލުގައި ދާ ފަރާތެއް ނަމަ ނޮޓަރައިޒްކޮށްފައިވާ ޕަވާ އޮފް އެޓާނީ އަދި އައިޑީ ކާޑު ކޮޕީ
- ކުރިން ސޮއިކޮށްފައިވާ އެއްބަސްވުމާއި ރަޖިސްޓަރީގެ ކޮޕީ
މިނިސްޓްރީން ބުނީ އެޕޮއިންޓްމަންޓްގެ ގަޑިއަށްވުރެ ފަސް މިނެޓް ލަސްވެއްޖެ ނުވަތަ ލިޔެކިޔުންތައް ފުރިހަމަ ނުވާ ނަމަ އެޕޮއިންޓްމަންޓް ކެންސަލްވާނެ ކަމަށެވެ.