07 މެއި 2025 - 13:23
ދ. ވާނީގައި ފުލުހުންގެ ތަމްރީނު ހަދަމުން ދަނިކޮށް ހާލު ސީރިއަސްވި މީހާ އޮތީ ވެންޓިލޭޓަރުގައި ކަމަށް އައިޖީއެމްއެޗުން މިއަދު ބުނެފި އެވެ.
ވާނީގައި ހުންނަ ޓްރެއިނިން ސެންޓަރުގައި ތަމްރީން ހަދަމުންދިޔަ ރެކްރޫޓެއްގެ ހާލު ދެރަވެގެން އާދިއްތަ ދުވަހުގެ ރޭ ފަތިހު، ދ. ކުޑަހުވަދޫގައި ހުންނަ އަތޮޅު ހޮސްޕިޓަލަށް ގެންދިޔަ އެވެ. އަދި އިތުރު ފަރުވާ ދިނުމަށް އެ ދުވަހުގެ މެންދުރުގެ ވަގުތެއްގައި އައިޖީއެމްއެޗަށް ވަނީ ގެންގޮސްފަ އެވެ.
އެ ހޮސްޕިޓަލުގެ މީޑިއާ އޮފިޝަލަކު ވިދާޅުވީ ފުލުހުންގެ ތަމްރީނުގެ ތެރޭގައި އުޅެނިކޮށް ހާލު ސީރިއަސްވި ޒުވާނާއަށް އައިސީޔޫގައި ފަރުވާ ދެމުން އަންނަ ކަމަށެވެ. އޭނާ ނޭވާލަނީ ވެންޓިލޭޓަރުގެ އެހީގަ އެވެ.
ނަމަވެސް، މިކަމާ ގުޅޭ އިތުރު ތަފްސީލެއް އަދި ނުލިބެ އެވެ.