29 އެޕްރީލް 2025 - 09:15
ފަސް މީހުންނާއެކު، ގދ. ގައްދޫން ފުރައިގެން ދަތުރުކުރި މުދާ އުފުލާ ދޯނި ރޭ ފަތިހު ފެނިއްޖެ އެވެ.
ކޯސްޓްގާޑުން ބުނީ "ބްރިލިއަންޓް ކެރިއާ" ނަމަކަށް ކިޔާ ދޯނި ފެނުނީ ރޭ ފަތިހު 4:00 ހާއިރު، ގއ.ވިލިނގިލީގެ އިރު އުތުރުން 48 މޭލު ބޭރުން ކަމަށެވެ. އެ ދޯނި ފެނުނު އިރު އޮތީ އިންޖީނު ހުއްޓިފަ އެވެ.
ސިފައިން މިހާރު އަންނަނީ ވެރިފަރާތާ ގުޅިގެން ކައިރި ރަށަކަށް ދޯނި ބަނދަރު ކުރުމުގެ މަސައްކަތް ކުރަމުންނެވެ.
އެ ދޯނީގައި ތިބީ ތިން ދިވެހިންނާއި ދެ ބިދޭސީންނެވެ. އެ އެންމެންގެ ހާލު ވެސް ރަނގަޅު ކަމަށް ފުލުހުން ބުންޏެވެ.
ގައްދޫން ހުޅުމާލެއަށް ދިއުމަށް ދޯނި ފުރީ މިދިޔަ އާދިއްތަ ދުވަހުގެ ރޭ 8:00 ހާއިރެވެ. ދޯނިފަހަރު ޓްރެކް ކުރާ "ފޮލޯ މީ" އެޕްއިން ދައްކާ ގޮތުގައި، އެ ބޯޓުގެ ޓްރެކިން ސިގްނަލް ކެނޑިފައި ވަނީ ގއ. އަތޮޅު ހުރަސްކޮށް، ހުވަދޫ ކަނޑުގެ ވަކި ހިސާބަކަށް ދިޔަ ފަހުން، ރޭ 8:04 ހާއިރެވެ.
އޭގެ ފަހުން ފުލުހުންނަށް އެ ދޯންޏާ އެންމެ ފަހުން ގުޅިފައިވަނީ ރޭގެ ދަންވަރު 2:40 ގަ އެވެ.