21 އެޕްރީލް 2025 - 17:50
މާފަންނުގައި ހުންނަ ކެފޭއެއްގެ ތެރޭގައި މީހަކަށް ތޫނު އެއްޗަކުން ހަމަލަދީ މިއަދު ޒަހަމްކޮށްލައިފި އެވެ.
ފުލުހުން ބުނީ، މިއަދު ހަވީރު ހިނގި މާރާމާރީގައި އަނިޔާވީ އުމުރުން 22 އަހަރުގެ ދިވެހި ފިރިހެނަކަށް ކަމަށެވެ މި މާރާމާރީ ހިނގަން މެދުވެރި ސަބަބެއް ފުލުހުން އަދި ނުބުނެ އެވެ.
ނަމަވެސް، އެނގިފައިވާ ގޮތުގައި މާރާމާރީ ހިންގީ ދެ ގުރޫޕެއްގެ މެދުގައި ހިނގި ހަމަނުޖެހުމެއްގެ ތެރެއިންނެވެ.
އަނިޔާވި މީހާ އަށް އައިޖީއެމްއެޗުގައި އަންނަނީ ފަރުވާދެމުންނެވެ. އޭނާގެ ހާލަތާ ގުޅޭ ތަފްސީލެއް އަދި ނުލިބެ އެވެ. މައްސަލަ ތަހުގީގު ކުރާ ކަމަށް ބުނުން ފިޔަވައި އެއްވެސް ތަފުސީލެއް ފުލުހުން އަދި ނުދެ އެވެ.