02 އެޕްރީލް 2025 - 19:30
ރާއްޖެ އާއި އިންޑިއާއާ ދެމެދު ހަދާފައި އޮންނަ އެއްބަސްވުމުގެ ދަށުން ކާޑާއި އަސާސީ އެހެން ބާވަތްތަކުގެ ކޯޓާ ރާއްޖެއަށް އިތުރުކޮށްދީފި އެވެ.
އިންޑިއާ ހައި ކޮމިޝަނުން ނެރުނު ބަޔާނުގައި ބުނި ގޮތުގައި މިއީ 1981 ވަނަ އަހަރު މި އެއްބަސްވުން ހެދި ފަހުން މިހާތަނަށް ހުއްދަ ދޭ ނުވަތަ ކޯޓާ އިތުރުކޮށްދޭ އެންމެ ބޮޑު އަދަދެވެ.
އެ ކޮމިޝަނުން ބުނީ ކޮންސްޓްރަކްޝަން އިންޑަސްޓްރީއަކީ ރާއްޖޭގައި އެންމެ ބާރަށް ކުރިއަރަމުން އަންނަ ދާއިރާ ކަމަށްވާއިރު ވެއްޔާއި ގާ ފަދަ ތަކެތިން 30 ޕަސެންޓް އިތުރުކޮށްދީފައިވާ ކަމަށެވެ. އެއާ އެކު ރާއްޖެއަށް މި ސާމާނުގެ 1.3 މިލިއަން މެޓްރިކް ޓަނުގެ ގެނެވޭނެ އެވެ.
ކޮމިޝަނުން ބުނި ގޮތުގައި ފިޔާ، އަލުވި، ބިސް އަދި ހަކުރާއި ފުށް ފަދަ ސާމާނުގެ ކޯޓާ ފަސް ޕަސެންޓަށް އިތުރުކޮށްދީފައިވާއިރު މުގު އެތެރެކުރެވޭ މިންވަރު 56 ޕަސެންޓަށް ވަނީ އިތުރުކޮށްފަ އެވެ.
އިންޑިއާ އިން ވަނީ އެ ގައުމުން އަސާސީ ސާމާނު އެކްސްޕޯޓު ކުރުން މަނާކުރި ދަނޑިވަޅުގައި ވެސް ރާއްޖެއަށް މި ސާމާނު އެތެެރެކުރުމުގެ ހުއްދަދީފަ އެވެ.