23 މާޗް 2025 - 22:00
މަތީ ތައުލީމުގެ ލޯނަށް ވީހާ ވެސް އަވަހަކަށް އިއުލާން ކުރުމަށް މަސައްކަތް ކުރަމުން އަންނަ ކަމަށް ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހުމަދު މިރޭ ވިދާޅުވެއްޖެ އެވެ.
"މިހާރު" އިން ކުރި ސުވާލެއްގެ ޖަވާބުގައި އޭނާ ވިދާޅުވީ ކިޔެވުމަށް ދޫކުރާ ލޯނާ ގުޅޭގޮތުން ބައެއް ކަންތައްތައް ހަމަޖައްސަމުން އަންނަ ކަމަށެވެ. އެ ކަންކަން ފުރިހަމަވުމުން ވީހާ ވެސް އަވަހަކަށް ލޯނަށް އިއުލާންކުރާނެ ކަމަށް ހައިދަރު ވިދާޅުވި އެވެ.
ސްޓޫޑެންޓު ލޯނަށް އިއުލާން ކުރަން މިނިސްޓްރީން މިދިޔަ ހަފުތާގައި ވެސް މުއްދަތުތަކެއް ދިނެވެ. އެކަމަކު، އެ ދުވަސްތައް ފަހަނައަޅައި ދިޔައިރު ވެސް އިއުލާނެއް ނުކުރެ އެވެ.
އިތުރު ތަފްސީލެއް ނުދެއްވައި މިނިސްޓަރު ހައިދަރު ވިދާޅުވީ ލޯނަށް އިއުލާން ނުކުރެވި ދިގުލައިގެން ދިޔަ ސަބަބުތައް ޕްރެސް ކޮންފަރެންސްގައި ހާމަކުރައްވާނެ ކަމަށެވެ.
ރާއްޖެ އާއި ބޭރުގެ ގައުމުތަކުގައި މަތީ ތައުލީމު ހާސިލުކުރަން ސްޓޫޑެންޓު ލޯނުގެ ގޮތުގައި މިދިޔަ އަހަރު 500 ޖާގަ އަށް ހުޅުވާލި އެވެ. އެ ސްކީމުގައި ޑިޕްލޮމާއިން ފެށިގެން ޕީއެޗްޑީއާ ހަމައަށް ކިޔެވޭނެ އެވެ.