17 ފެބުރުއަރީ 2025 - 20:34
ފުވައްމުލަކުގައި ހުންނަ ޔޫރޯ ސްޓޯގެ ގުދަނަކުން ގިނަ އަދަދެއްގެ ސިނގިރޭޓު ކޭސްތަކެއް މިރޭ ވަގަށް ނެގި މައްސަލައެއް ފުލުހުން ބަލަން ފަށައިފި އެވެ.
ފުލުހުން ބުނީ، ޔޫރޯގެ ގުދަނަކުން 130 އަށް ވުރެ ގިނަ ސިނގިރޭޓު ކާޓަން ވަގަށް ނެގި މައްސަލައެއްގެ ރިޕޯޓް ލިބުމާ ގުޅިގެން އެ މައްސަލަ ތަހުގީގު ކުރަމުން އަންނަ ކަމަށެވެ.
އެ މައްސަލާގައި އަދި މީހަކު ހައްޔަރެއް ނުކުރެ އެވެ.
މި ފަހުން ވަނީ މާލޭގެ ދެ ބޮންޑެޑްވެއާ ހައުސް އަކުން ވެސް ގިނަ އަދަދެއްގެ ސިނގިރޭޓު ވަނީ ގެއްލިފަ އެވެ. އެ މައްސަލަ ވެސް ކަސްޓަމްސް އާއި ފުލުހުން އަންނަނީ ތަހުގީގުކުރަމުންނެެވެ. އަދި ސިނގިރޭޓަށް ވީނުވީއެއް ނޭނގުނު މައްސަލާގައި އެ ތަންތަނުން ކަސްޓަމްސް އަށް ދައްކަން ޖެހޭ 67 މިލިއަން ރުފިޔާ ހޯދަން އެޓާނީ ޖެނެރަލްގެ އޮފީހަށް ވަނީ ހުށަހަޅައިފަ އެވެ.