09 ފެބުރުއަރީ 2025 - 13:10
ޑައިމޯފިން ފެޑްލް ކުރުމުގެ ކުށުގެ މައްސަލައަކާ ގުޅިގެން މީހަކު ހޯދަން އިއުލާނުކޮށްފި އެވެ.
އެ މައްސަލާގައި ފުލުހުން ހޯދަނީ ގދ. ފިޔޯރީ، ޒަމީން، ހުސެއިން ޝުޖުއާން ނާފިޒު 20 އެވެ.
ފުލުހުން ބުނީ އޭނާއަކީ ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން އެ ކޯޓަށް ހާޒިރުކުރަން ބޭނުންވެ ހާޒިރު ކުރެވިފައި ނުވާ މީހެއް ކަމަށެވެ. އެހެންވެ، ބަންދުގައި ބަހައްޓައިގެން ކޯޓަށް ހާޒިރުކުރުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން ޝުުއާން ހޯދަމުން އަންނަ ކަމަށް އެ އިދާރާ އިން ބުންޏެވެ.
ފުލުހުންގެ މައްޗަށް އަމުރު ނެރެފައި ވަނީ މާދަމާ މެންދުރު 1:00 އަށް ކްރިމިނަލް ކޯޓަށް އޭނާ ހާޒިރުކޮށްދިނުމަށެވެ.
އެހެންވެ، ޝުޖުއާންއާ ގުޅޭ އެއްވެސް މައުލޫމާތެއް ލިބިފައިވާ ނަމަ ފުލުހުންގެ ކަސްޓޯޑިއަލް ނަމްބަރު 9991442 އަށް ގުޅާ ހިއްސާކުރަން އެދިފައިވެ އެވެ.