11 މާޗް 2017 - 15:26
ފްލޭޝް މޮބްގެ ހަރަކާތާއެކު 100 ޕްލަސް އިސްތިހާރުކުރުމަށް ހާއްސަ ހަވީރެއް ބްރިޖް ޕްލެޓް ފޯމްގައި އިއްޔެ ބާއްވައިފި އެވެ.
މިއީ 100 ޕްލަސް އިން ހިންގި މިފަދަ ފުރަތަމަ ޕްރޮމޯޝަނަލް އިވެންޓެވެ.
ގިނަ ބައެއްގެ މަގުބޫލްކަން ހޯދާފައިވާ ބުއިން ރާއްޖެ އެތެރެކޮށް ވިއްކާ ރެޑްވޭވްގެ އޮފިޝަލަކު ވިދާޅުވީ އިއްޔެ ބޭއްވި ހަވީރަށް 600 އަށްވުރެ ގިނަ މީހުން ޒިޔާރަތްކުރި ކަމަށެވެ. އަދި އެ ހަވީރުގައި ކުޑަކުދިންނަށް ހާއްސަކޮށްގެން ހާއްސަ ހަރަކާތްތަކެއް ވެސް ކުރިޔަށް ގެންދިޔަ ކަމަށް އޭނާ ވިދާޅުވި އެވެ.
"މި ވެންޓްގައި ކުޑަކުދިންނަށް ފޭސް ޕެއިންޓް ފްރިސްބީ އާއި ފުޅި އެއްލުމުގެ މުބާރާތެއް އަދި ފްލޭޝް މޮބް ހަރަކާތެއް ވެސް ކުރިޔަށް ގެންދިޔަ. އަޅުގަނޑުމެން އުއްމީދުކުރި ވަރަށް ވުރެ ގިނަ މީހުން މި އިވެންޓަށް ޒިޔާރަތްކުރި،" އޮފިޝަލް ވިދާޅުވި އެވެ.
100 ޕްލަސް އިސްތިހާރުކުރުމަށް ބޭއްވި ހަރަކާތުގައި ހިލޭ ރަހަ ބެލުމުގެ ފުރުސަތު ދިނުމާއި އެ އުފެއްދުމާ ބެހޭ މައުލޫމާތު ދިނުމަށް ލީފްލެޓް ބެހުން ކުރިޔަށް ގެންދިޔަ އެވެ.