13 ޖެނުއަރީ 2025 - 11:21
އެމްޓީސީސީން ކޮންމެ އަހަރަކު ވެސް ބާއްވާ އެންމެ ބޮޑު ޕްރޮމޯޝަން "ކަށަވަރު ޕްރޮމޯ" އަށް ހުށަހެޅި އިންޖީނު ލިބޭ ނަސީބުވެރިޔާ ހޮވައި، އިނާމަކަށް ދޭ އިންޖީނު ހަވާލުކޮށްފި އެވެ.
މިދިޔަ ނޮވެމްބަރު މަހުން ޑިސެމްބަރު މަހުގެ ނިޔަލަށް ކުރިއަށް ގެންދިޔަ އެ ޕްރޮމޯޝަނުގެ ނަސީބުވެރިޔަކަށް ހޮވުނީ އެންޓްރެކް ހޯލްޑިން އެވެ. އެ ކުންފުންޏަށް އެމްޓީސީސީން ވަނީ ޕްރޮމޯޝަނަށް ހުށަހެޅި 60 ހޯސްޕަވަރުގެ ސުޒުކީ އައުޓްބޯޑު އިންޖީނު ދީފަ އެވެ.
"ކަށަވަރު ޕްރޮމޯ" އަކީ އެމްޓީސީސީން ކޮންމެ އަހަރަކު ވެސް އެ ކުންފުނީގެ "ކަށަވަރު" ޝޯރޫމުގައި ހިންގާ ބޮޑު ޕްރޮމޯޝަނެކެވެ. އެ ޕްރޮމޯޝަނަކީ އޮޑިވެރިންނާއ،ި މަސްވެރިންނާއި ޓޫރިޒަމް އަދި ޓްރާންސްޕޯޓް ދާއިރާއާ ގުޅުން ހުރި ގިނަ ތަކެތި ޑިސްކައުންޓުތަކާ އެކު ހެޔޮ އަގުތަކެއްގައި ވިއްކުމުގެ ގޮތުން ކުރިއަށް ގެންދާ ޕްރޮމޯޝަނެއް ކަމަށް އެމްޓީސީސީން ބުންޏެވެ،
އެ ޕްރޮމޯޝަނުގައި ސުޒުކީ އިންޖީނާއި އިންޖީނުގެ ސްޕެއާ ޕާޓްސްތަކާއި ކާސްޓްރޯލް އަޑީތެލާއި ސްކޮޓްބޭޑާ، ފައިބަރު ސާމާނާއ، ޕީޕީޖީ މެރިން ކޯޓިން އަދި މަރޯލް ހުންގާނު ސިސްޓަމާއި އިންޑަސްޓްރިއަލް ގޭހާއި އޮޑިދޯނިފަހަރަށް ބޭނުންވާ އެކި ސާމާނުތަކުން ޑިސްކައުންޓު ދިނެވެ.
"ކަށަވަރު ޕްރޮމޯ 2024" ކުރިއަށް ދިޔަ މުއްދަތުގެ ތެރޭ ގްރޭޓާ މާލެ ސަރަޙައްދާއި ރާއްޖޭގެ އެކި އެކި ރަށްރަށަށް އެމްޓީސީސީގެ ޓީމުން ޒިޔާރަތްވެސް ކުރި އެވެ.
"ކަށަވަރު ޕްރޮމޯ" އަކީ އެމްޓީސީސީއިން ކޮންމެ އަހަރަކު ވެސް ހިންގާ އެންމެ ބޮޑު ޕްރޮމޯޝަނެވެ.