09 މާޗް 2017 - 08:26
ވެލިގާ ހާޑްވެއާ އިން "ސެލީސް" ބްރޭންޑްގެ އުފެއްދުންތަކުގެ ހާއްސަ ޕޮރޮމޯޝަނެއް ފަށައިފި އެވެ.
ރާއްޖޭގައި ފުޅާ ދާއިރާއެއްގައި ހާޑްވެއާގެ ވިޔަފާރިކުރާ ކުންފުނިން ބުނީ އެ ޕްރޮމޯޝަން މި މަހުގެ ފަސްވަނަ ދުވަހުން ފެށިގެން 15 ވަނަ ދުވަހާ ހަމައަށް ކުރިއަށް ގެންދާނެ ކަމަށެވެ.
ވެލިގާ އިން ބުނިގޮތުގައި ޕޮރޮމޯޝަންގައި އެ ކުންފުނީގެ ފިހާރަތަކުން ގަންނަ "ސެލީސް"ގެ ކޮންމެ އުފެއްދުމަކަށް ކޫޕަންއެއް ލިބޭނެ އެވެ. އަދި ސެލީސްގެ އުފެއްދުމެއް ހިމަނައިގެން ކުރާ ކޮންމެ 100ރ. އިން މަތީގެ ވިޔަފާރިއަކަށް އިތުރު ކޫޕަނެއް ލިބޭނެ ކަމަށް ވެސް ވެލިގާ އިން ބުންޏެވެ.
ވެލިގާގެ ކޮންމެ ފިހާރައަކުން، ކޮންމެ ދުވަހަކު ވެސް ހޮވޭ ނަސީބުވެރިއަކަށް 500ރ. ގެ ވައުޗަރެއް ދިނުމަށް ވަނީ ހަމަޖެހިފަ އެވެ. އަދި އެ ވައުޗަރު ބޭނުންކޮށްގެން ނަސީބުވެރިއަކަށް، ވެލިގާގެ ކޮންމެ ފިހާރައަކުން ވެސް 500ރ. އަށް ވާ ތަކެތި ހިލޭ ދިނުމަށް ވަނީ ހަމަޖެހިފަ އެވެ.
އޮސްޓްރޭލިޔާގެ މަޝްއޫރު ބްރޭންޑެއް ކަމަށްވާ ސެލީސްގެ އުފެއްދުންތައް ގޭތެރޭގެ ބޭނުންތަކުން ފެށިގެން އިންޑަސްޓްރިއަލް މަސައްކަތްތަކަށް ވެސް ބޭނުން ކުރެވެ އެވެ. އެ ބްރޭންޑްގެ ތަފާތު އެކި ފާޑުފާޑުގެ ތެރަހާއި ސިލިކޯންގެ ގިނަ އުފެއްދުންތަކެއް ހިމެނެ އެވެ.
"އެ ބްރޭންޑްގައި ހިމެނޭ އާދައިގެ ސިލިކޯން، މޮހޮރު ސިލިކޯން، ބޫޓު ތައްކުރާ ތެރަސް، ސުޕާގުލޫ ފަދަ އުފެއްދުން ތަކަކީ ގިނަބައެއްގެ އިތުބާރާއި ޔަގީންކަން މިހާރު ވެސް ލިބިފައިވާ އުފެއްދުންތަކެއް،" ވެލިގާ އިން ބުންޏެވެ.