27 ނޮވެމްބަރ 2024 - 12:56
ދަރުމަވަންތަ ހޮސްޕިޓަލް ކައިރިން ބޭރު ތޮށިގަނޑު ކައިރީގައި އަނިޔާވެފައި އޮތް މީހަކު މިއަދު ހެނދުނު ފެނިއްޖެ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ ބޭރު ތޮށިގަނޑާ ދިމާލުން މޫދުގައި އަނިޔާވެފައި އޮތް ދިވެހި ފިރިހެނަކު ފެނިގެން އައިޖީއެމްއެޗަށް ގެންގޮސްފައިވާ ކަމަށެވެ.
ހޮސްޕިޓަލްގެ ޑޮކްޓަރުންނާ ހަވާލާދީ، ފުލުހުން ބުނީ އެ މީހާގެ ބޮލަށް އަނިޔާވެފައިވާ ކަމަށެވެ. އޭނާ އަށް އަނިޔާވީ، ތޮށިގަނޑާ ދިމާލުން ދުއްވާފައި ދިޔަ "އުޅަނދެއް" ގައި ޖެހިގެން ކަމަށް ބެލެވޭ ކަމަށް ފުލުހުން ބުންޏެވެ.
އެ ސަރަހައްދުގައި ފުލުހުން އަންނަނީ ހަރަކާތްތެރިވަމުންނެވެ. އެހެންވެ، އިތުރު މައުލޫމާތެއް އަދި ނުލިބެ އެވެ.