05 ސެޕްޓެމްބަރ 2024 - 14:37
މާލޭގެ ގެއެއްގައި ހުރި ގުދަނެއްގައި މިއަދު އަލިފާނުގެ ހާދިސާއެއް ހިނގައިފި އެވެ.
އެމްއެންޑީއެފްއިން ބުނީ މއ. އޮލިވީނާގޭގެ ތިން ވަނަ ފްލޯގައި ހުރި ގުދަނެއްގައި އަލިފާނުގެ ހާދިސާއެއް ހިނގީ އެތަނުގައި ހުރި ކަރަންޓް ބޯޑެއްގައި ރޯވެގެން ކަމަށެވެ. އެ ހާދިސާގެ ރިޕޯޓް 1:30 ހާއިރު ލިބުމާއެކު، ގިނަ އިރުތަކެއް ނުވަނީސް އަލިފާންގަނޑު ނިއްވާލާފައިވާ ކަމަށް އެމްއެންޑީއެފްއިން ބުންޏެވެ.
އެ ހާދިސާގައި އެއްވެސް މީހަކަށް ގެއްލުމެއް ލިބިފައިނުވާ ކަމަށް އެމްއެންޑީއެފްއިން ބުންޏެވެ.
އަލިފާނުގެ ހާދިސާ ހިނގި ގުދަނަކީ ޔޫރޯ ސްޓޯރުގެ ގުދަނެކެވެ.