29 ޖުލައި 2024 - 11:03
ބީއެމްއެލްއިން ހުޅުމާލެ އިންޑޯ ސްވިމިން ޕޫލްގައި ކުރިޔަށް ގެންދިޔަ ސްކޫލްތަކުގެ 7 ވަނަ ސްވިމިން ފެސްޓިވަލް ކާމިޔާބުކަމާ އެކު ނިންމާލައިފި އެވެ.
ސްވިމިން އެސޯސިއޭޝަނާ ގުޅިގެން ބީއެމްއެލްއިން ބޭއްވި މި ފެސްޓިވަލުގައި 23 ސްކޫލަކުން 485 ފެތުންތެރިން ބައިވެރިވި އެވެ. ހަ ދުވަހުގެ މި ފެސްޓިވަލްގައި 6 އަހަރާއި 10 އަހަރާއި ދެމެދުގެ ކުދިން ބައިވެރިވި އެވެ. މި ފެސްޓިވަލުގައި ފްރީސްޓައިލް، ފްލައި، ބެކްސްޓޯރޯކް، ބްރެސްޓްސްޓްރޯކް އަދި އިންޑިވިޖުއަލް މެޑްލީ ފަދަ ރޭސްތަކުގައި ވަނީ ވާދަކޮށްފަ އެވެ.
މި ފެސްޓިވަލުން ވަނަތައް ހާސިލް ކުރި ދަރިވަރުންނަށް ބީއެމްއެލްއިން ވަނީ އިނާމު ދީފަ އެވެ.
ބީއެމްއެލްއިން ބުނީ މި ފެސްޓިވަލްގެ މަގުސަދަކީ ކުޅިވަރުގައި ޒުވާނުންގެ ކުރިއެރުން ފާހަގަކޮށް، ޒުވާން އެތުލީޓުންނަށް ކުޅިވަރުގެ ފުރިހަމަ ގާބިލްކަން ހާސިލް ކުރަން ބާރުއެޅުން ކަމަށެވެ.