11 ޖޫން 2024 - 20:39
ޗައިނާގެ ޕީޕަލްސް ޕޮލިޓިކަލް ކޮންސަލްޓޭޓިވް ކޮންފަރެންސްގެ ވައިސް ޗެއާމަން، ބަޓީ ރަސްމީ ދަތުރުފުޅެއްގައި މިއަދު ރާއްޖެ ވަޑައިގެންފި އެވެ.
ޗައިނާގެ ސަރުކާރަށް ސިޔާސީ ގޮތުން ލަފާ އަރުވާ (ސީޕީޕީސީސީ) ގެ ވައިސް ޗެއާމަން ބަޓީ، ރާއްޖެ ވަޑައިގަތުމުން ވެލާނާ އިންޓަނޭޝަނަލް އެއާޕޯޓުން މަރުހަބާ ދެންނެވީ ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމް އެވެ.
މަޖިލީހުގެ މީޑިއާ ޑިރެކްޓަރު ހަސަން ޒިޔާއު ވިދާޅުވީ ބަޓީ ވަޑައިގެންނެވީ ތިން ދުވަހުގެ ރަސްމީ ދަތުރުފުޅަކަށް ކަމަށެވެ.
ބަޓީ، މާދަމާ ހެދުނު ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ އާއި ނައިބު ރައީސް ނާޒިމާ ބައްދަލު ކުރައްވާނެ އެވެ. އަދި ރައީސް ޑރ. މުހައްމަދު މުއިއްޒުގެ އަރިހަށް އަންނަ ބުރާސްފަތި ދުވަހު އިހުތިރާމުގެ ޒިޔާރަތެއް ކުރައްވާނެ ކަމަށް ވެސް ޒިޔާއު ވިދާޅުވި އެވެ.
އެ އަށް ފަހު ސަރުކާރުގެ ބައެއް ބޭފުޅުންނާ ބައްދަލު ކުރައްވާނެ ކަމަށާއި ފުރާވަޑައިގަންނަވާނީ ބުރާސްފަތި ދުވަހު ކަމަށް އޭނާ ވިދާޅުވި އެވެ.