02 މާޗް 2024 - 18:35
މާލޭގައި ނުރައްކާތެރި އަލިފާނުގެ ހާދިސާއެއް ހިނގައިފި އެވެ.
އެ ހާދިސާ ހިނގާފައި ވަނީ މަޖީދީ މަގު ފަތަހަ ސްކައި އާ ޖެހިގެން ހުންނަ ހަނި ގޯޅިއެއްގައި ތިން ފްލޯ އަށް ހަދާފައި ހުރި ގެއެއްގަ އެވެ.
އެމްއެންޑީއެފްގެ އޮފިޝަލަކު ވިދާޅުވީ 6:07 ގައި ރިޕޯޓު ލިބުމާއެކު ފަޔާ އެންޑް ރެސްކިއު ސާވިސް އިން ހަރަކާތްތެރިވާން ފަށާފައިވާ ކަމަށާއި އަލިފާންގަނޑު މިހާރު ކޮންޓްރޯލް ކޮށްފައިވާ ކަމަށެވެ.
އަލިފާން ރޯވުމުގެ ސަބަބުން އެ ސަރަހައްދުގައި އޮތީ ވަރަށް ބޮޑަށް ދުން ފެތުރިފަ އެވެ.
އެންއެންޑީއެފް އިން ބުނީ މި ހާދިސާ ހިނގީ، އެ އިމާރާތުގައި ހުރި އަވަނެއް އޯވަ ހީޓްވުމުގެ ސަބަބުން ކަމަށެވެ.
"މި ހާދިސާގައި ބިދޭސީއެއްގެ ފައި ފިހި، ދުމުގެ އަސަރުކޮށް، ދުވަސްވީ އުމުރުފުރާގެ ދެ ދިވެއްސަކަށް އޭޑީކޭގައި ފަރުވާދެމުންދާކަމުގެ މައުލޫމާތު ވަނީ ލިބިފައި،" އެންއެންޑީއެފް އިން ބުންޏެވެ.