05 ފެބުރުއަރީ 2024 - 14:35
ގަތަރުގެ ދޯހާގައި މި މަހުގެ 16 ވަނަ ދުވަހު އޮންނަ މެރަތަންގައި ބައިވެރިވުމަށް އުރީދޫގެ 2 ކަސްޓަމަރަކަށް ފުރުސަތު ދިނުމަށް ނިންމައި، ލަކީޑްރޯއެއް އިއުލާނުކޮށްފި އެވެ.
މި ލަކީޑްރޯގައި ބައިވެރިވެވޭނީ އުރީދޫ ނެޓްވޯކު ގެންގުޅޭތާ އެއް އަހަރު ހަމަވެފައިވާ މީގެކުރިން ހާފް މެރަތަންއެއް ދުވެ، ދޯހާގެ މެރެތަންގައި ދުވެވޭނެ މިންވަރަށް ސިއްހީ ހާލަތު ރަނގަޅު މީހުންނަށެވެ. އަދި މި ލަކީޑްރޯގައި ބައިވެރިވުމަށް ގަތަރަށް އެތެރެވުމުގެ ޝަރުތުތައް ފުރިހަމަވާ ދިވެހި ޕާސްޕޯޓެއް އޮންނަން ޖެހެ އެވެ.
މި ލަކީޑްރޯގައި ބައިވެރިވެވޭނީ މި މަހުގެ 10 ވަނަ ދުވަހުގެ ނިޔަލަށް އުރީދޫގެ ވެބްސައިޓު މެދުވެރިކޮށެވެ. މެރަތަންއަށް ދާން ހޮވޭ 2 ފަރާތުގެ ގުރުއަތު ނަގާ، އިއުލާނުކުރުން އޮންނާނީ މި މަހުގެ 11 ވަނަ ދުވަހު އެވެ.
ގަތަރުގެ ދޯހާގައި އޮންނަ މެރަތަން އަކީ އުރީދޫ ގްރޫޕުން ބާއްވާ މެރަތަން އެކެވެ. މި ދުވުމުގައި 42 ކިލޯމީޓަރުގެ މެރަތަންއަކާއި 21 ކީލޯމީޓަރު، 10 ކިލޯމީޓަރު އަދި 5 ކިލޯމީޓަރުގެ ހާފް މެރަތަން އަކާއި 5 ކިލޯމީޓަރުގެ 13 އަހަރާއި 17 އަހަރާ ދެމެދުގެ ކުޑަކުދިންނަށް ހާއްސަ ޖޫނިއާ ދުވުމަކާއި 13 އަހަރުން ދަށުގެ ކުދިންނަށް ހާއްސަ އެއް ކިލޯމީޓަރުގެ ދުވުމެއް އޮވެ އެވެ.