18 ޖެނުއަރީ 2024 - 15:23
މާލެ ކައިރީގައި އޮންނަ ވެލައްސަރު ރިސޯޓު ކައިރިން، މަރުވެފައި އޮތް ދިވެއްސެއްގެ ހަށިގަނޑު މިއަދު ފެނިއްޖެ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ، މަރުވެފައި އޮތް މީހަކު ފެނިގެން ހެނދުނު 9:11 ހާއިރު ރިޕޯޓުކޮށްފައިވާ ކަމަށެވެ. ފުލުހުން ބުނި ގޮތުގައި އެއީ މާލެ އަތޮޅު ރިސޯޓެއްގައި މަސައްކަތްކުރާ 35 އަހަރުގެ ދިވެހި ފިރިހެނެކެވެ.
މަރުވި މީހާ އަކީ ކޮން ރިސޯޓެއްގެ މުވައްޒަފެއް ކަމެއް އަދި އެ މީހާއާ ބެހޭ އިތުރު އެއްވެސް މައުލޫމާތެއް، މައްސަލަ ތަހުގީގުކުރަމުން އަންނާތީ ފުލުހުން ހާމައެއް ނުކުރެ އެވެ.