24 ނޮވެމްބަރ 2023 - 17:11
ގްރޭޑް 10ގެ ދަރިވަރުންގެ ދެވަނަ ޓާމް ޓެސްޓް ރޯދައިގެ ކުރިން ބާއްވަން އެޑިއުކޭޝަން މިނިސްޓްރީން ސްކޫލްތަކަށް އިއްޔެ އަންގައިފި އެވެ.
އެޑިއުކޭޝަން މިނިސްޓްރީގެ ޑިރެކްޓަ ޖެނެރަލް އިބްރާހިމް އާސިފު ރަޝީދު ސޮއިކުރައްވައި ސްކޫލްތަކަށް ފޮނުއްވި ސާކިއުލާއެއްގައި ބުނީ ގްރޭޑް 10ގެ ކުދިންގެ ދެވަނަ ޓާމް ޓެސްޓް، މި އަންނަ ރޯދަމަސް ފެށުމުގެ ކުރިން ބާއްވަން ސްކޫލްތަކުން މިނިސްޓްރީގައި އެދެމުން އަންނަ ކަމަށެވެ.
ސްކޫލްތަކުގެ އެދުމުގެ މަތިން، ގްރޭޑް 10ގެ ކުދިންގެ ދެވަނަ ޓާމް ޓެސްޓް އަންނަ އަހަރުގެ ފެބްރުއަރީ 25 އާއި މާޗު 14 އާ ދެމެދު ބާއްވަން ނިންމާފައިވާ ކަމަށް އެ ސާކިއުލާގައި ބުންޏެވެ.
ކަލަންޑަރުގައިވާ ގޮތުން މި އަންނަ ރޯދަމަސް ފެށޭނީ އަންނަ އަހަރު މާޗު 10 ގަ އެވެ.
ގްރޭޑް 10ގެ ދަރިވަރުން މިހާރު އޯލެވެލް އިމްތިހާނު ހަދަނީ މެއި/ޖޫންގަ އެވެ.