18 ސެޕްޓެމްބަރ 2023 - 18:07
ފަސޭހަ ދިރިއުޅުމަކަށް ހުރިހާ ކަމެއް ޑިޖިޓަލްކޮށް ކުރަން ބޭނުންވާ ޒަމާނެއްގައި އޮންލައިންކޮށް ވިޔަފާރިކުރެވޭނެ މާކެޓަކާއި، ފައިސާ ދެއްކޭނެ ޑިޖިޓަލް ވޮލެޓަކާއި ޓެލެކޮމިއުނިކޭޝަނުގެ ހިދުމަތްތައް އިނގިލިކުރިއަށް އައުމަކީ ބޭނުންތެރި މުހިންމު ކަމެކެވެ.
މި ފަދަ ހުރިހާ ހިދުމަތްތަކެއް އެއް ފުރާޅެއްގެ ދަށަށް ގެނެސް، ބޭނުންވާ ގިނަ ހިދުުމަތްތަކެއް އެއް އެޕެއްގެ ތެރެއިން ފޯރުކޮށްދެމުންދާ "އުރީދޫ ސުޕާ އެޕް" އަކީ ޑިޖިޓަލް ލައިފްސްޓައިލްގެ ތަޖުރިބާ އިތުރަށް ފުރިހަމަކޮށްދީ، ފަސޭހަކޮށްދިން އެޕެކެވެ. މި އެޕު އިތުރަށް ފުރިހަމަކޮށްދިން އާ އިންޓަފޭސްއާ އެކު އެޕަށް އަޕްގުރޭޑުތަކެއް ވެސް މިހާރު ވަނީ ގެނެސްފަ އެވެ.
އުރީދޫ ސުޕަ އެޕުން މިހާރު ލިބެން ހުރި ހިދުމަތްތަކަށް ބަލާއިރު، އެ އެޕު މެދުވެރިކޮށް އުރީދޫގެ ނެޓްވޯކާ ގުޅުމުގެ ފުރުސަތު ވަނީ ހުޅުވާލާފަ އެވެ. އުރީދޫގެ ނެޓްވޯކާ ގުޅި ޕޯސްޓްޕެއިޑް ނުވަތަ ޕްރީޕެއިޑް ސިމް ކާޑެއް ގަތުމަށް ނުވަތަ އާ ބްރޯޑްބޭންޑް ޑިވައިސްއެއް ގަތުމަށް ބިޒީ ޝެޑިއުލްގެ ތެރެއިން ވަގުތު ހުސްކޮށްގެން އުރީދޫގެ ފިހާރައަކަށް ދާކަށް ނުޖެހޭނެ އެވެ.
އުރީދޫގެ ސުޕަ އެޕް މެދުވެރިކޮށް އެ ކުންފުނީގެ އޮންލައިން މާކެޓްޕްލޭސް "މޫލީ" އިން ސިމް އާއި ބްރޯޑްބޭންޑް ޑިވައިސް ގަނެ، އެޕް މެދުވެރިކޮށް ހިދުމަތް އެކްޓިވޭޓު ވެސް ކުރެވޭނެ އެވެ. މޫލީއިން ގަންނަ ސިމްކާޑާއި ޑިވައިސް ރާއްޖޭގެ ކޮންމެ ހިސާބެއްގައި ހުންނަ މީހަކަށް ވެސް ޑެލިވާކޮށްދޭނެ އެވެ.
އުރީދޫ ސުޕަ އެޕަކީ ވަން ޓެޕް ލޮގް-އިން އެކްސްޕީރިއަންސެއް ލިބޭ، ސެކިއުރިޓީ ވަރުގަދަ އެޕެކެވެ. މި އެޕުގެ މެއިން މެނޫގައި ހިމެނޭ "މެނޭޖް އެކައުންޓްސް" އޮޕްޝަނުން އުރީދޫގެ ހުރިހާ އެކައުންޓުތަކެއް ލިންކު ކުރެވޭނެ އެވެ. އުރީދޫގެ ހިދުމަތްތައް ހޯދާ ހުރިހާ އެކައުންޓެއް އެޕަށް ލިންކޮށްލުމުން ހުރިހާ އެކައުންޓެއް މި އެޕު މެދުވެރިކޮށް މޮނީޓާ ކުރެވޭނެ އެވެ. ގޭގެ އިންޓަނެޓުގެ ޕްލޭން ރިވިއުކޮށްލައި، ފޯނުގައި މޮބައިލް ޑޭޓާ ހުރި މިންވަރު ވެސް މި ފީޗާގެ ސަބަބުން ފަސޭހައިން ރިވިއު ކުރެވޭނެ އެވެ.
އުރީދޫގެ އޮންލައިން މާކެޓްޕްލޭސެއްގެ ގޮތުގައި ތައާރަފްކުރި ޕްލެޓްފޯމް "މޫލީ"ގެ ހިދުމަތަކީ ވެސް އެޕުން ހޯދޭ ހިދުމަތެކެވެ. އިލެކްޓްރޯނިކްސް އިން ފެށިގެން ސްމާޓް ހޯމް ޑިވައިސްތަކާއި ދިވެހި އުފެއްދުންތަކާއި ގްރޯސަރީއާއި ފޮތްތަކާއި ސްޓޭޝަނަރީ ފަދަ ގިނަ ޕްރޮޑަކްޓްތަކެއް ގަންނަން ލިބޭ "މޫލީ"އިން އެޕް މެދުވެރިކޮށް އޮންލައިންކޮށް ވިޔަފާރި ކުރެވޭނެ އެވެ. "މޫލީ" އޮންލައިން މާކެޓްޕްލޭސް އިން ކަސްޓަމަރުންނަށް މުޅި ރާއްޖެއަށް ހިލޭ ޑެލިވަރީގެ ހިދުމަތް ލިބެ އެވެ.
އުރީދޫއިން ތައާރަފްކުރި ޑިޖިޓަލް ވޮލެޓު އެމް-ފައިސާ ވެސް އުރީދޫގެ ސުޕާ އެޕް މެދުވެރިކޮށް ބޭނުން ކުރެވެ އެވެ. އެމް-ފައިސާ އަކީ ޓަޗް އައިޑީ އާއި ފޭސް އައިޑީ ފަދަ ނޭޓިވް އޮތެންޓިކޭޝަން މެތަޑްތައް ބޭނުންކޮށްގެން ފައިސާ ދެއްކޭ ވޮލެޓެކެވެ.
މި ވޮލެޓުން އުރީދޫ ބިލާއި ޔުޓިލިޓީ ބިލްތަކާއި އެކި ރެސްޓޯރެންޓްތަކާއި ކެފޭ އަދި ކްލިނިކްތަކާއި ސްކޫލްތަކާއި ޖިމް ފެސިލިޓީތަކާއި ފިހާރަތަކަށް ފައިސާ ދެއްކޭނެ އެވެ.
އުރީދޫ ސުޕާ އެޕުގައި ހިމެނޭ "މަގޭ ޕްލޭން" އިން ކަސްޓަމަރު ބޭނުންވާ ގޮތަކަށް ޕޯސްޓްޕެއިޑް އަދި ޕްރީޕެއިޑް ޕްލޭންތައް ކަސްޓަމައިޒް ކުރެވޭނެ އެވެ. މި އެޕު މެދުވެރިކޮށް ކޮންމެ މީހަކަށް ވެސް ހާއްސަ ކަސްޓަމައިޒްޑް ތަޖުރިބާއެއް ހޯދޭނެ އެވެ. އަދި މި އެޕު މެދުވެރިކޮށް ކަސްޓަމަރުންނަށް 24 ގަޑިއިރު ލައިވް ޗެޓް ފީޗާ މެދުވެރިކޮށް އެސިސްޓަންސް ވެސް ލިބެ އެވެ.
އުރީދޫ ސުޕާ އެޕުގެ މި ހުރިހާ ފީޗާތަކަކީ ކަސްޓަމަރުންގެ ޑިޖިޓަލް ލައިފްސްޓައިލަށް ބޭނުންވާނެ ހުރިހާ ހައްލެއް ހޯދާ ދިނުމަށް ތައާރަފްކޮށްފައިވާ ފީޗާތަކެކެވެ. މި އެޕަކީ "އޯލް އިން ވަން ސޮލިއުޝަން"އަކަށް ހެދުމަށް އުރީދޫއިން ދަނީ މަސައްކަތްކުރަމުންނެވެ.