07 ސެޕްޓެމްބަރ 2023 - 12:31
ސ. ހިތަދޫގައި 200 ހައުސިން ޔުނިޓު އިމާރާތް ކުރުމަށް ހައުސިން މިނިސްޓްރީން މިއަދު ހަވާލުކޮށްފި އެވެ.
މުޅި އެކު 11 ބުރީގެ ދެ އިމާރާތް ހެދުމުގެ އެއްބަސްވުމުގައި ހައުސިން މިނިސްޓްރީގެ ފަރާތުން ސޮއިކުރެއްވީ ހައުސިން ޑިޕާޓްމަންޓުގެ ޑިރެކްޓަ ޖެނެރަލް އަހުމަދު ވިޝާން ނަސީމެވެ. އެ މަޝްރޫއު ހަވާލުކުރި ޕީޓީ ސިޓްރަމަސް ހެވީ އިންޑަސްޓްރީސް އިން ޖޭޕީ ވިތް ބީވާ ބިލްޑާސް ކުންފުނިން ސޮއިކުރެއްވީ މެނޭޖިން ޑިރެކްޓަރު މުޝްތާގު އިބްރާހިމެވެ.
ބޯހިޔާވަހިކަމުގެ މަސައްކަތް ހަވާލުކުރީ 218،852،500ރ. އަށެވެ. އެއީ 540 ދުވަހުން ނިންމާ ގޮތަށެވެ.
މިނިސްޓްރީން ބުނީ ކޮންމެ ހައުސިން ޔުނިޓެއްގައި 1،000 އަކަފޫޓު ހުންނާނެ ކަމަށެވެ. އެއީ؛
- ތިން ކޮޓަރި. ކޮންމެ ކޮޓަރިއެއްގައި ފާހަނާއެއް.
- ސިޓީން ރޫމް.
- ބަދިގެ އާއި ކާގެ.
- ލޯންޑްރީ އަދި ސްޓޯ ރޫމް ހިމެނޭ.
ހައުސިން ޔުނިޓުތަކުގެ ތިރި ބޭނުންކުރަން ހަމަޖައްސާފައި ވަނީ ކޮމާޝަލް އަދި މެއިންޓަނަންސް އޮފީހާއި ޕާކިންނަށް ޖާގަ ދެވޭނެ ގޮތަށެވެ.
ހިތަދޫގައި ހައުސިން ޔުނިޓުތަކެއް އަޅަން ހަވާލުކުރިއިރު، އެ ރަށުން މި ފަހުން ވަނީ 500 ގޯތި ދޫކޮށްފަ އެވެ.