17 އޯގަސްޓް 2023 - 13:20
ބީއެމްއެލްގެ ކާޑު މެޝިނާއި ކާޑު މެޝިންގެ ރޯލު ދޫކުރުން އެ ބެންކުގެ މާލެ ބިޒްނަސް ސެންޓަރަށް ބަދަލުކުރަން ނިންމައިފި އެވެ.
ބީއެމްއެލްއިން ބުނީ އެ ހިދުމަތް މާލެ ބިޒްނަސް ސެންޓަރަށް ބަދަލުކުރުމަށް ފަހު އެ ބެންކުން މިހާރު އެ ހިދުމަތް ދެމުންދާ އޯކިޑުމާގެއިން އެ ތަކެތި ދޫކުރުން ހުއްޓާލާނެ ކަމަށެވެ. ބިޒްނަސް ސެންޓަރުން ކާޑު މެޝިނާއި ކާޑު މެޝިނުގެ ރޯލު ދޫކުރަން ފަށާނީ އަންނަ ހަފްތާގެ އާދިއްތަ ދުވަހުން ފެށިގެންނެވެ.
ބީއެމްއެލްއިން ބުނީ މި ހިދުމަތްދޭ ސެންޓަރު ބަދަލުކުރީ ވިޔަފާރިތަކަށް ވީހާ ވެސް ލުއިފަސޭހަ ގޮތެއްގައި އެ ތަކެތި ހޯދުމަށް މަގުފަހިކޮށްދޭން ކަމަށެވެ.
މާލޭ ބިޒްނަސް ސެންޓަރުގެ އިތުރުން ހުޅުމާލެ އަދި ވިލިމާލެ ބްރާންޗް މެދުވެރިކޮށްވެސް ޕީއޯއެސް މެޝިންގެ ރޯލު ލިބޭނެ އެވެ.