30 ޖުލައި 2023 - 12:11
އޮންލައިންކޮށް ރީ-ރަޖިސްޓްރީވުމުގެ މުއްދަތު މާދަމާ ހަމަވާނެ ކަމަށް އިލެކްޝަންސް ކޮމިޝަން (އީސީ) އިން މިއަދު ބުނެފި އެވެ.
އެ ކޮމިޝަންގެ ރައީސް ފުއާދު ތައުފީގު ވިދާޅުވީ އޮންލައިން ޕޯޓަލް މެދުވެރިކޮށް ރީ-ރަޖިސްޓްރީވުމުގެ މުއްދަތު އަވަހަށް ހަމަވިޔަސް، ފޯމު ހުށަހެޅުމަށް އިތުރު ފަސް ދުވަސް ލިބޭނެ ކަމަށެވެ.
ރާއްޖެ އިން ބޭރުގައި ދިރިއުޅޭ މީހުންނާއި ރަށްވެހިވެފައިވާ ރަށް ނޫން އެހެން ތަނެއްގައި ވޯޓުލުމަށް ބޭނުންވާ މީހުންނަށް އޮންލައިން ޕޯޓަލް މެދުވެރިކޮށް ފޯމު ހުށަހެޅޭނީ މާދަމާގެ ނިޔަލަށެވެ.
ނަމަވެސް، ފޯމު ހުށަހަޅައިގެން މާދަމާއާ ހަމައަށް ފޯމު ހުށަހެޅޭނެ ކަމަށް އީސީން ބުންޏެވެ.
ފުއާދު ވިދާޅުވީ އޮންލައިންކޮށް ރީ-ރަޖިސްޓްރީވުމުގެ މުއްދަތު ހަމަވާއިރު، މިހާތަނަށް 12،000 އެއްހާ މީހުން ޕޯޓަލް މެދުވެރިކޮށް ފޯމު ހުށަހަޅާފައިވާ ކަމަށެވެ.
އެންމެ ފަހުން 2018 ވަނަ އަހަރު އޮތް ރިޔާސީ އިންތިހާބުގައި 95،000 އަށް ވުރެ ގިނަ މީހުން ރީ-ރަޖިސްޓްރީވި އެވެ. އެފަހަރު މާލޭގައި ވޯޓުލުމަށް ރަޖިސްޓަރީ ވެފައިވާ މީހުންނަށް، ސެޕްޓެމްބަރު 9 ގައި ބާއްވާ އިންތިހާބަށް އަލުން ރީ-ރަޖިސްޓަރީ ވާކަށް ނުޖެހޭނެ އެވެ. އެކަމަކު، މާލެ ފިޔަވައި، ރަށްވެފައިވާ ރަށް ނޫން އެހެން ރަށެއްގައި ދިރިއުޅޭ ހުރިހާ މީހުން އަލުން ރަޖިސްޓަރީ ކުރަން ޖެހޭނެ ކަމަށް ބުންޏެވެ.
އެކަމަކު މިފަހަރު ވެސް މާލެއިން 30،000 އާއި 40،0000 އާ ދެމެދުގެ އަދަދެއްގެ މީހުން ރީ-ރަޖިސްޓްރީ ވާން ޖެހޭނެ ކަމަށް އީސީން ލަފާކުރެ އެވެ. އެހެންވެ މިހާތަނަށް ރަޖިސްޓްރީވީ 12،000 މީހުން ކަމަށް ވާތީ މިއީ މަދު އަދަދެއް ކަމަށް އީސީން ބުންޏެވެ.
ރިޔާސީ އިންތިހާބުގައި ވާދަކުރުމަށް މިހާރު ވަނީ ހުޅުވާލައިފަ އެވެ. އެ ފުރުސަތު އަންނަ މަހުގެ ހަތް ވަނަ ދުވަހާ ހަމައަށް ހަމަވާއިރު، މިހާތަނަށް އަދި އެއްވެސް ކެންޑިޑޭޓަކު ފޯމެއް ހުށައެއް ނާޅަ އެވެ.