23 ޖުލައި 2023 - 10:23
މިހާރު ކުރިއަށްދާ ޓެކާސް ރިސޯޓް ފުޓްސަލް ކަޕްގައި ޅ. އަތޮޅުގެ ޗެމްޕިއަން ކޮކޫން މޯލްޑިވްސް ބަލިކޮށް، ނ. އަތޮޅުގެ ޗެމްޕިއަން ވެލާ ޕްރައިވެޓް އައިލެންޑުން ކުއާޓާ ފައިނަލަށްގެ ޖާގަ ޔަގީން ކޮށްފި އެވެ.
ސިޔާމް ވޯލްޑްގެ ފުޓްސަލް ދަނޑުގައި އިއްޔެ ކޮކޫން އާއި ވެލާ ބައްދަލުކުރި ނޮކައުޓް ބުރުގެ މެޗު ވެލާ ކާމިޔާބު ކުރީ ފަހަތުން އަރައި 3-2 އިންނެވެ.
މެޗުގެ ފުރަތަމަ ހާފުގައި ކޮކޫން އިން 2-1 އިން މެޗު ލީޑު ކުރަމުން ދިޔަ ނަމަވެސް ވެލާ އިން ވަނީ ފަހު ހާފުގައި ދެ ގޯލު ޖަހައި މެޗު ކާމިޔާބު ކޮށްފަ އެވެ. މެޗުގެ މޮޅު ކުޅުންތެރިއަކަށް ހޮވުނީ ވެލާގެ ކެޕްޓަން އަހުމަދު އިމްރާން އެވެ.
ނ. އަތޮޅު ބުރުގައި ތިން ޓީމު ވާދަ ކުރި އެވެ. ވެލާ އިން އަތޮޅުގެ ޗެމްޕިއަންކަން ހޯދީ ފައިނަލް މެޗުގައި ސިޔާމް ވޯލްޑާ ވާދަކޮށް 2-2 އިން ނަތީޖާ އެއްވަރު ވެގެން 4-2 އިން ޕެނަލްޓީގައި ކުރި ހޯދައިގެންނެވެ. މި އަތޮޅުން ދެން ވާދަކުރީ ރޮބިންސަން ނޫނު ރިސޯޓެވެ. އެ މެޗުގެ މޮޅު ކުޅުންތެރިއަކީ ވެސް ވެލާގެ އިމްރާން އެވެ. އޭނާ ވަނީ އަތޮޅުގެ އެންމެ މޮޅު ކުޅުންތެރިޔާގެ މަގާމް ވެސް ހޯދައިފަ އެވެ.
ނ. އަތޮޅުގެ އެންމެ މޮޅު ފަސް ކުޅުންތެރިންނަށް ހޮވުނީ ވެލާގެ މުހައްމަދު އިމްތިނާން، އަލީ ރާޒީ، ގޯލްކީޕަރު އަހުމަދު ޝާފިއު، ސިޔާމް ވޯލްޑްގެ އަލީ އަހްނަފް އަދި އަލީ ޒުބެއިރެވެ. އެންމެ މޮޅު ކޯޗަކީ ވެލާގެ ޝަމްވީލް ގާސިމް (ބޮންޑާ) އެވެ. އެންމެ ގިނަ ގޯލު ޖެހީ ވެލާގެ އިމްރާން އާއި ސިޔާމް ވޯލްޑްގެ މުހައްމަދު އާއިދެވެ.