19 ޖޫން 2023 - 15:44
ވިލާ ކޮލެޖްގެ އިންޓަނޭޝަނަލް ކޮންފަރެންސް އޮން ސޯޝަލް ރިސާޗް އެންޑް އިނޮވޭޝަން (އައިސީއެސްއާރުއައި) ކޮންފަރެންސް ނިންމާލައިފި އެވެ.
މިދިޔަ ހޮނިހިރު ދުވަހުން އާދިއްތަ ދުވަހުގެ ނިޔަލަށް "ބްރޭކްތުރޫ ޓު އެކްސެލެންސް: އެޗީވިންގް އަ ނެޓްވޯކްޑް ކޮމިއުނިޓީ" ތީމުގެ ދަށުން ބޭއްވި ކޮންފަރެންސްގައި ތީމާ ގުޅޭ ދެ ޕޯސްޓަރާއި 55 ޕޭޕަރު ބައިވެރިން ވަނީ ހުށަހަޅައިފަ އެވެ.
މި ކޮންފަރެންސްގައި، ފާހަގަކޮށްލެވޭ ހަތް ބޭފުޅަކު ކީނޯޓް ސްޕީޗް ދެއްވި އެވެ. އަދި ތީމާ ގުޅޭ މުހިންމު މައުލޫތަކަށް ފަސް ޕެނަލް ޑިސްކަޝަނެއް ވެސް ކުރިއަށް ގެންދިޔަ އެވެ.
މި ކޮންފަރެންސް ނިންމާލުމުގެ ގޮތުން ބޭއްވި ރަސްމިއްޔާތުގައި ވިލާ ކޮލެޖުގެ ހަތް ސްޓާފަކަށް ވަނީ ރިސާޗު ގްރާންޓް ވެސް ދީފަ އެވެ.
އެ ރަސްމިއްޔާތުގައި ވިލާ ކޮލެޖުގެ ވައިސް ރެކްޓާ ޑރ. އަލީ ނަޖީބު ވަނީ ރިސާޗް ޕޭޕަރުތައް ހުށަހެޅުމަށް އެ ފަދަ ޕްލެޓްފޯމެއް މުހިންމުކަމަށް ވިދާޅުވެފަ އެވެ. އަދި މިއީ އިތުރު ރިސާޗުތައް ހެދުމަށް ރިސޯސަސްތައް މުއްސަނދިވެގެންދާނެ ކަމެއްގެ ގޮތުގައި ފާހަގަކުރެއްވި އެވެ.
މިއީ ވިލާ ކޮލެޖުގެ އައިސީއެސްއާރުއައި ކޮންފަރެންސްގެ ހަ ވަނަ އެޑިޝަނެވެ.