04 މެއި 2023 - 13:58
އޭޝިއާ ޕެސިފިކް ސަރަހައްދުގައި އެންމެ ބާރު ސްޕީޑުގައި ކުރިއަރަމުން އަންނަ ލަވީ ހޮޓެލްސްގެ ނޫއީ މޯލްޑިވްސް ކުނާވަށި ރިސޯޓު ހުޅުވައިފި އެވެ.
މިއީ އެ ކުންފުނިން ރާއްޖޭގައި ހުޅުވި ފުރަތަމަ ރިސޯޓެވެ.
ވ. އަތޮޅުގައި ހުޅުވި މި ރިސޯޓުގައި 72 ކޮޓަރި ހުރެ އެވެ. ވޯޓާ ވިލާ އާއި ބީޗް ބަންގަލޯތައް ހުންނަ މި ރިސޯޓަކީ ތިން ހެކްޓަރުގެ ބޮޑު ރަށެކެވެ.
އެ ރިސޯޓުގައި ސްޕާ އކާއި ރެސްޓޯރެންޓްގެ އިތުރުން ޑައިވިން އާއި ވޯޓަސްޕޯޓްސް ސެންޓަރެއް ވެސް ހުންނާނެ އެވެ.
ގަޑިއެއްހާ އިރުން ވެލާނާ އިންޓަނޭޝަނަލް އެއާޕޯޓުން ދެވޭ، އެ ރިސޯޓު ހަދާފައިވަނީ ދިވެހިވަންތައް ސިފަތައް ހިމެނޭ ގޮތަށެވެ.
ނޫއީ މޯލްޑިވްސްގެ އިތުރުން މިއަހަރު އިތުރު ހަ ރިސޯޓެއް ހުޅުވާނެ ކަމަށް ޓޫރިޒަމް މިނިސްޓްރީން ބުނެ އެވެ.
ރާއްޖޭގައި 170 ރިސޯޓު އަންނަނީ ހިންގަމުންނެވެ. އަދި 800 އަށް ވުރެ ގެސްޓްހައުސް ހިންގަ އެވެ. މިއަހަރުގެ މިހާތަނަށް ވަނީ 680،000 ޓޫރިސްޓުން ރައްޖެއަށް އައިސްފަ އެވެ. މިއީ މިދިޔަ އަހަރަށް ވުރެ 19 ޕަސެންޓް ދަށް އަދަދެކެވެ.