31 ޖެނުއަރީ 2023 - 06:37
ބޮޑު މަގްބޫލުކަމެއް ހޯދި "ވެމްޕަޔާ ޑައިރީސް" ސީރީޒްގެ ލީޑް ކެރެކްޓާއިން ކަމަށްވާ، ސްޓެފަން އާއި ޑޭމަންގެ މަންމަ ލިލީ ސަލްވަޓޯގެ ބައި ކުޅުނު އެކްޓްރެސް، އޭނީ ވާޝިންގް މަރުވެއްޖެ އެވެ.
މިދިޔަ އާދިއްތަ ދުވަހު، އުމުރުން 45 އަހަރުގައި އޭނީ މަރުވީ ކެންސަރު ބަލީގަ އެވެ.
އޭނީ މަޝްހޫރުވީ ވެމްޕަޔާ ޑައިރީސްގެ އިތުރުން، ހޮލީވުޑްގެ "24"، އާއި "ބޯޝް" އާއި، "ސްޓާ ޓްރެކް: ޕިކާޑް" ފިލްމުންނާއި، 2013 ވަނަ އަހަރު ނެރުނު "ލާސްޓް އޮފް އަސް" ވީޑިއޯ ގޭމުގައި ޓެސްގެ އަޑު އަޅައިގެންނެވެ.
އޭނާގެ ފަހުގެ ރޯލުތަކުގެ ތެރޭގައި "މާވެލްސް ރަންއަވޭސް" ގެ އޭލިއަން ސުޕަހީރޯ، ކެރޮލީނާގެ މަންމަ، ލެސްލީ ޑީންގެ ރޯލާއި، އޭބީސީގެ ސީރީސް، "ދަ ރުކީ" ގައި ގެސްޓް ތަރިއެއްގެ ގޮތުގައި ފެނުނެވެ.
ވެމްޕަޔާ ޑައިރީސްގެ ސްޓެފަން އާއި ޑޭމަންގެ ރޯލުން ފެނުނު ޕޯލް ވެސްލީ އާއި އިއާން ސަމަހޯލްޑާ ވަނީ އިންސްޓަގްރާމުގައި އެ މީހުންގެ އޮން-ސްކްރީން މަންމަގެ ވަކިވުމުގެ ހިތާމައިގައި ބައިވެރިވެފަ އެވެ.
އޭނީގެ އާއިލާއަށް މިހާރު ވަނީ "ގޯ ފަންޑް މީ" ޕޭޖެއް ވެސް ހުޅުވާފަ އެވެ. އޭނީ މަރުވިއިރު، އޭނާގެ ފިރިމީހާ ސްޓެފަން ފުލްއާ ދެމީހުންގެ ކުޑަ ތިން ދަރިން ތިބެ އެވެ.