11 ޖެނުއަރީ 2023 - 18:36
ރޯވި ކެފޭ ހުންނަ ސަރަހައްދުގައި ހަނި ގޯޅިތަކާއި ގިނަ ގެތައް ހުންނައިރު، އަލިފާނުގެ ހާދިސާއާ އެކު ގިނަ ބަޔަކަށް ވަނީ އެކަމުގެ އަސަރުކޮށްފައި. އަލިފާން ކޮންޓްރޯލް ވިޔަސް ގެތަކަށް އަދި މީހުންނެއް ނުވަދޭ. ދުމުގެ ވަހާއި ދުމުގެ އަސަރު މުޅި ސަރަހައްދުގައި އެބަހުރި.
މިހާރު ވަނީ އަލިފާން ކޮންޓްރޯލްކޮށްފައި. އެކަމަކު ދުމުގެ އަސަރު އަދި ކޮންމެވެސް ވަރަކަށް އެބަހުރި.
ގުލޭނޫރަންމާގެއާ ދިމާލުން އަދިވެސް އަލިފާން އެބަ ފެނޭ. ބެލެވޭ ގޮތުގައި އެ ދިމާލުން އަދިވެސް އަލިފާން ގަނޑު ދަނީ ފެތުރެމުން
ކެފޭގެ ފުރަގަހުން، އިރާކު މަގުގައި ހުރި ބައެއް ގޭގެޔަށް ވެސް އަލިފާނުގެ އަަސަރުކޮށްފައިވާ ކަމަށް އެ ސަރަހައްދުގެ ބައެއް މީހުން ބުނޭ. މިވަގުތު ބޭރަށް އަލިފާން ފެންނަން ނެތަސް އަދި އަލިފާން ކޮންޓްރޯލްވި ކަމެއް ޔަގީނެއް ނޫން
އަލިފާން ރޯވި ތަނުން ބޯކޮށް ދުން އަަރަމުން ދާއިރު ކައިރި ގެތަކުން ނެރުނު ބައެއް މީހުންނަށް ދުމުގެ އަސަރުކޮށް ބައެއް މީހުން އަނބުރައިގަނެގެން ވަނީ ހޮސްޕިޓަލަށް ވެސް ވަނީ ގެންގޮސްފައި
އަލިފާންގަނޑު މިހާރު ވަނީ ކޮންޓްރޯލްކޮށްފައި. އެކަމަކު އަދިވެސް ދަނީ ދުން އަރަމުން.
މި އަލިފާނުގެ ހާދިސާ ހިނގާފައި މި ވަނީ މި ދުވަސްވަރު އަލިފާނުގެ ހާދިސާތައް ގިނަވެ، އެ މައްސަލައިގެ ބޮޑު ތަހުގީގެއް ފުލުހުން ފަށާފައި ވަނިކޮށް
އަލިފާން ކޮންޓްރޯލް ނުވެ ފެތުރެމުން ދާއިރު އެތަނުގެ ތެެރެއިން އެއްޗެހި ގޮވާ އަޑު ވެސް އިވޭ.
އަލިފާން ރޯވި ކެފޭ ހުންނަނީ ގިނަ އަދަދަކަށް މީހުން އުޅޭ ހިސާބެއްގައި.
އިވްނިން ކެފޭގެ ފުރަގަހުގައި އޮންނަ އިރާކު މަގާއި ކެފޭގެ ވަށައިގެން ހުރި ގެތަކުން މިހާރު ވަނީ މީހުން ހުސްކޮށްފައި.
ސިފައިންގެ ފަޔަ އެންޑް ރެސްކިއުގެ ޓީމުން ގެންދަނީ ހަރުގަނޑު ބަހައްޓައިގެން ފުރާޅަށް އަރައި ފެން ޖަހަން މަސައްކަތްކުރަމުން
އަލިފާން ރޯވެފައި ހުރީ ދެ ވަނަ ބުރީގައި. އަލިފާންގަނޑު ކޮންޓްރޯލް ނުވެ ބޮޑުވަމުން ދާއިރު ކައިރި ގެތަކުން މިހާރު ގެންދަނީ މީހުން ހުސްކުރަމުން.
އޯކިޑް މަގުގައި ހިންގާ އީވިން ކެފޭގެ ބަދިގޭގައި ދެންމެ އަލިފާން ރޯވެއްޖެ އެވެ.
އެމްއެންޑީއެފުން ބުނީ އެ ކެފޭގައި ރޯވެގެން ހަވީރު 6:10 ހާއިރު ރިޕޯޓުކޮށްފައިވާ ކަމަށެވެ. އެ އަލިފާންގަނޑު ނިއްވާލުމުގައި ސިފައިން އަންނަނީ ހަރަކާތްތެރިވަމުންނެވެ.
އީވްނިން ކެފޭއަކީ އިންޑިއާ ބަޔަކު ހިންގާ ތަނެކެވެ.