16 ޑިސެމްބަރ 2022 - 19:48
ވަރަށް މަދުން ނޫނީ ނުފެންނަ ފަދަ ގޮތަކަށް މާލެ ސަރަހައްދަށް މިއަދު ފެނުނު ރެއިންބޯ އަށް ގިނަ ބައެއްގެ ސަމާލުކަން ލިބިއްޖެ އެވެ.
މާލެ ސަރަހައްދުން މިއަދު ފެނުނީ އާންމުކޮށް ނުފެންނަ ވައްތަރެއް ކަމަށްވާ ޑަބަލް ރެއިންބޯ އެކެވެ.
މިއަދު ހަވީރުން ފެށިގެން އިރުއޮއްސުމާ ހަމައަށް ގިނަ އިރުތަކެއް ވަންދެން ކުލަ ގަދަކޮށް ރެއިންބޯ ފެންނަން ހުއްޓެވެ.
ގިނަ ބައެއްގެ ސަމާލުކަން މި ރެއިންބޯއަށް ލިބި، ސޯޝަލް މީޑިއާގައި ވެސް އޭގެ މަންޒަރުތައް ގިނަ ދައުރުކުރި އެވެ. އެ ރެއިންބޯގެ ފޮޓޯތައް ފޯނަށް ރައްކާކުރުމަށްޓަކައި ގިނަ ބަޔަކު ބޭރަށް ވެސް ނުކުމެ ފޮޓޯ ނަގަމުން ދިޔަ ތަން ފެނުނެވެ.