09 ނޮވެމްބަރ 2022 - 11:14
ދާދި ފަހުން ޖާންވީ ވަނީ ފިލްމު "މިލީ" ގެ ޝޫޓިންއެއްގައި ދިމާވި އާދަޔާ ހިލާފް ކަމެއް ހިއްސާކޮށްފަ އެވެ. އެއީ ޖާންވީ އެ ފިލްމުގައި ކުޅެން ޖެހުނު ރޯލުގެ ސަބަބުން ނަފްސާނީ ގޮތުން ބަލިކަށިވެ ބޭސް ކާން ޖެހުނު ވާހަކަ އެވެ.
ޕްރެސް ޓްރަސްޓް އޮފް އިންޑިއާ (ޕީޓީއައި) އަށް ދިން އިންޓަވިއުއެއްގައި ޖާންވީ ބުނީ ހަގީގީ ހާދިސާއެއްގެ މައްޗަށް ބިނާކޮށް ކުޅެފައިވާ މި ފިލްމުގައި އޭނާ ކުޅެން ޖެހުނީ ޑީޕް ފްރީޒަރެއް ތެރޭގައި ތާށިވުމުން ސަލާމަތްވާން މަސައްކަތްކުރާ، ދަސްކުރާ ނަރުހެއްގެ ރޯލެއްކަމެވެ.
އޭނާ ބުނި ގޮތުގައި ދުވާލަކު 15 ވަރަކަށް ގަޑިއިރު ޑީޕް ފްރީޒަރު ތެރޭގައި ފިލްމު ޝޫޓް ކުރުމުގައި އޭނާ ވަގުތު ހޭދަކުރަން ޖެހުނެވެ. ބައެއް ދުވަސް ދުވަސް ދުވަހު އޭނާގެ ފައިގެ އިނގިލިތަކުގައި ކޮށާ މީދަލެއް ވެސް އެފްރީޒަރު ތެރޭ އުޅޭ ކަމަށް ބުންޏެވެ.
މި ތަފާތު ރޯލުގެ ސަބަބުން ޝޫޓިން ނިންމާފައި ނިދަން އޮންނަ އިރު ވެސް އެ ކަންކަން ހުވަފެނުން ވެސް ފެންނަ ކަމަށް ޖާންވި ބުންޏެވެ.
ޖާންވީގެ އިތުރުން މި ފިލްމުގެ ޑައިރެކްޓަރު ވެސް އެ ދުވަސްވަރު ބަލިވި ކަމަށްވެ އެވެ.