28 އޮކްޓޯބަރ 2022 - 07:51
ބޮލީވުޑްގެ ފިލްމު، "ތަނާވް" ގެ ޓްރެއިލާ ނެރެފި އެވެ. މި ފިލްމަކީ އިސްރާއިލުގެ ތުރިލާ ފިލްމެއް ކަމަށްވާ "ފައުދާ" ގެ ހިންދީ ރިމޭކެއް ކަމަށްވެ އެވެ.
އިއްޔެ އާންމުކުރި ޓްރެއިލާގައި ފެންނަނީ ކަޝްމީރު މިނިވަންކުރުމަށް ކަމަށް ބުނެ އިންޑިއާގެ ސިފައިން ކުރާ މަސައްކަތްތަކެކެވެ. އޭގެ ތެރޭގައި އިންޑިއާ އާއި ޕާކިސްތާނުގެ މެދުގައި ހިނގާ ހަމަނުޖެހުމުގެ ތެރެއިން މައުސޫމް އެތައް ފުރާނައެއް ގެއްލޭ މަންޒަރާއި އެކަމުގެ ސަބަބުން އެ އާއިލާތަކަށް ލިބޭ ހިތާމަ ވެސް މި ފިލްމުގައި ދައްކުވައިދެ އެވެ.
ފިލްމުގެ ލީޑު ރޯލުގައި ފެނިގެންދަނީ އަރްބާޒް ޚާނާއި މާނަވް ވިޖެވެ. އެގޮތުން ޓެރަރިސްޓުން ހޯދައި، އެތަން މިނިވަން ކުރަން އެމީހުން ކުރާ މަސައްކަތްތަކެއް އެ ފިލްމުގައި ފެންނާނެ އެވެ.
ރިޕޯޓްތައް ބުނާ ގޮތުގައި ފިކްޝަނަލް ތުރިލާއެއް ކަމަށްވާ މި ފިލްމުގައި އިންޑިއާގެ ސްޕެޝަލް ޔުނިޓްގެ ހިތްވަރާއި ކެރުންތެރިކަން ފެންނާނެ އެވެ. އެތައް އިހުސާސްތަކެއް އެކުލެވޭ މި ފިލްމުގައި ލިބޭ ލަނޑުތަކާއި ބަދަލު ހިފުމުގެ ކަންތައްތަކެއް ވެސް ފެންނާނެ އެވެ.
އަންނަ މަހުގެ 11 ވަަނަ ދުވަހު ސޮނީ ލިވް އިން ސްޓްރީމްކުރާ ގޮތަށް ހަމަޖެހިފައިވާ މި ފިލްމު ޕްރޮޑިއުސްކުރަނީ އެޕްލޯޒް އެންޓަޓެއިންމަންޓުންނެެވެ.