08 އޮކްޓޯބަރ 2022 - 16:03
ޕާކިސްތާނު ބަޔަކު ދަތުރުކުރި ގދ. ނަޑެއްލާ ކައިރިއަށް ފަރަށް އަރައިފި އެވެ.
ފުލުހުން ބުނީ ނަޑެއްލާ ކައިރިން އިއްޔެ ބޯޓެއް ފަރަށް އަރައިގެން އުޅޭ ކަމަށް މައުލޫމާތު ލިބިގެން ބެލިއިރު، އެ ބޯޓުގައި ތިބީ ޕާކިސްތާނުގެ 10 މީހެއް ކަމަށެވެ. އެ މީހުން މިހާރު ތިބީ ނަޑެއްލާގައި ކަމަށާއި އެ މީހުންގެ ހާލު ރަނގަޅު ކަމަށް ފުލުހުން ބުންޏެވެ.
ބޯޓު ފަރަށް އެރި ސަރަހައްދުގައި އެމްއެންޑީއެފާއި ފުލުހުން ހަރަކާތްތެރިވަމުންދާ ކަމަށް ފުލުހުން ބުންޏެވެ. އެ ބޯޓަކީ ރާއްޖޭގެ ބޯޓެއް ކަމެއް ނުވަތަ ނޫންކަމެއް އަދި ސާފެއް ނޫނެވެ.
ރާއްޖެއިން ބޭރުގެ ބޯޓުތައް ރާއްޖޭގެ ކަނޑުގެ ސަރަހައްދުން ހާލުގައި ޖެހިފައި ތިއްބާ މީގެކުރިން ވެސް އަތުލައިގެންފައިވެ އެވެ.