15 ޖުލައި 2022 - 11:01
ބ. އަތޮޅު އުނޑޫދޫ ނަމަކަށް ކިޔާ ފަޅު ރަށެއްގައި ދެ ބިދޭސީއެއް ދެމެދު މާރަމާރީއެއް ހިނގައި އެކަކަށް ވަޅިން ހަމަލާދީ ފުންކޮށް ޒަހަމްކޮށްލައިފި އެވެ. އޭނާގެ ހާލު ވަރަށް ސީރިއަސް އެވެ.
އެނގިފައިވާ ގޮތުގައި އޭނާގެ ހަށިގަނޑުގެ އެކި ތަންތަނަށް ވަނީ ވަޅި ހަރައިފަ އެވެ.
ފުލުހުން ބުނީ ރޭގެ ވަގުތެއްގައި ހިނގި މާރަމާރީއަކާ ގުޅިގެން އުމުރުން 43 އަހަރުގެ ބިދޭސީއެއް ހައްޔަރު ކޮށްފައިވާ ކަމަށެވެ.
އެ މާރަމާރީގައި އަނިޔާވި އުމުރުން 45 އަހަރުގެ ބިދޭސީ މީހާ އަށް ބ. އޭދަފުށީ ހޮސްޕިޓަލުން އަންނަނީ ފަރުވާ ދެމުންނެވެ. އޭނާގެ ހާލު ވަރަށް ކްރިޓިކަލް ކަމަށް ފުލުހުން ބުންޏެވެ.
އެކަމާ ބެހޭ އިތުރު ތަފްސީލެއް އަދި ނުލިބެ އެވެ.