13 ޖޫން 2022 - 17:47
އައިޓީއެފް ދެކުނު އޭޝިއާ ކޮލިފިކޭޝަންގެ ކޮލިފައިން މުބާރާތުގައި މިިއަދު ރާއްޖޭގެ ޖޫނިއާ ގައުމީ އަންހެން ޓީމުން، މުބާރާތް ބާއްވާ ގައުމު ނޭޕާލް ބަލިކޮށްފި އެވެ.
ރާއްޖެއިން މެޗު ކާމިޔާބު ކުރީ ސީދާ 2-1 ގޭމުންނެވެ.
އައިޓީއެފް 12 އަދި 12 އަހަރުން ދަށުގެ މުބާރާތަށް ކޮލިފައި ވުމަށް ކުޅޭ ދެކުނު އޭޝިއާ ކޮލިފައިން ބުރުން، އޭޝިއާ މުބާރަތށް ކޮލިފައި ވަނީ ރައުންޑް ރޮބިން އުސޫލުން ކުލޭ ދެކުނު އޭޝިއާގެ މުބާރާތުގެ އެންމެ ގަދަ ދެ ޓީމެވެ.
މިއަދު ފެށި މުބާރާތުގައި ނޭޕާކާ ދެކޮޅަށް ރާއްޖޭ ކުޅުނު މެޗުގެ ފުރަތަމަ ގޭމަށް، ދިވެހި ޓީމުން ނުކުތީ އިމާނީ މޫސާ ކަލީމް އެވެ. އޭނާ އާ ދެކޮޅަށް ނޭޕާލުން ނުކުތީ ޕަރަންޖާ މަނަދަރް އެވެ. އެ ގޭމް ކާމިޔާބު ކުރީ ޕަރަންޖާ އެވެ. އޭނާ އެ މެޗު ގެންދިޔައީ 6-1 އަދި 6-2 ންނެވެ.
ރާއްޖޭގެ އެއްވަނަ ކުޅުންތެރިޔާ، ނަބާ ނިޝާން ކުޅެން ނުކުމެ ވަނީ ގޭމް ކާމިޔާބު ކޮށްދީ ރާއްޖެ އަށް އެއްވަރުކޮށްދީފަ އެވެ. ނޭޕާލްގެ ޝިވާލީ ގުރަންގްއާ ދެކޮޅަށް ކުޅުނު މެޗު ތިން ސެޓަށް ދެމިގެން ދިޔަ އެވެ. މެޗުގެ ސެޓްތައް ނިމިގެން ދިޔައި 6-1، 3-6 އަދި 6-4 ންނެވެ.
ފަހު ގޭމް އަކީ ޑަބަލްސްގެ ގޭމެކެވެ. ޑަބަލްސްގައި ރާއްޖެއިން ނުކުތީ ނަބާ އަދި މަންހާ އަލީ މުހައްމަދުގެ ޕެއާ އެވެ. ނޭޕާލްގެ ޝިވާލީ އަދި ޕްރަންޖާގެ ޕެއާ އާ ދެކޮޅަށް ނަބާ އާއި މަންހާގެ ޕެއާ ކާމިޔާބު ހޯދީ 6-0، 9-0 ންނެވެ.
ރާއްޖޭގެ ފިރިހެން ޓީމު ބަންގްލަދޭޝްއާ ދެކޮޅަށް ކުޅުނު މެޗުން ބަލިވީ ސީދާ ތިން ގޭމުންނެވެ. ރާއްޖޭގެ އިބްރާހިމް ޒަފަޔާން އާ ދެކޮޅަށް ނުކުތީ ބަންގްލަދޭގެ އެމްޑީ ރާޖިބް އެވެ. ރާޖިބް ގޭޟް ކާމިޔާބު ކުރީ 6-2 އަދި 6-1 ންނެވެ. ދެވަނަ ގޭމްގައި ރާއްޖޭގެ އާދަމް އާލް ނިޔާޒާ ދެކޮޅަށް ބަންގްލަދޭޝްގެ ގަޔެން ކުރި ހޯދީ 6-4 0-6 7-6(5) އިންނެވެ. ޑަބަލްސް ގޭމްގައި ޒަފަޔާން އާއި މިކާ މުހައްމަދު ކަލީމްއާ ދެކޮލަށް ނުކުތީ ބަންގްލަދޭޝްގެ މުޝްފިގުރް ރަހްމާން އަދި ރާޖިބްގެ ޕެއާ އެވެ. އެ ޕެއާ ގޭމް ކާމިޔާބު ކުރީ 6-1 އަދި 6-3 ންނެވެ.
އަންނަ ހޮނިހިރު ދުވަހުގެ ނިޔަލަށް ކުރިއަށްދާ މުބާރާތުގައި ރާއްޖޭގެ އަންހެން ޓީމު މާދަމާ ނުކުންނާނީ ވަރުގަދަ އިންޑިއާ އާ ދެކޮޅަށެވެ. ފިރިހެން ޓީމު ވާދަކުރާނީ ބޫޓާނާ ދެކޮޅަށެވެ.