02 ޖޫން 2022 - 06:12
ނިދުމަށް އަންނަ ބަދަލާއި ސްޓްރެސް ވުން ފަދަ އެތައް ކަމަކީ ޕީރިއަޑްގެ މައްސަލަ ދިމާވެދާނެ ކަމެކެވެ. ބަނޑުބޮޑުވުމުގެ އިތުރުން ވެސް ޕީރިއަޑް ލަސްވާ ގިނަ ސަބަބުތަކެއް ހުރެ އެވެ.
އާންމު ގޮތެއްގައި ޕީރިއަޑްގެ މައްސަލަ ދިމާވަނީ ހޯމޯނަލް އިމްބެލެންސާއި ސީރިއަސް ސިއްހީ މައްސަލަތަކާ ގުޅިގެންނެވެ. އެ ކަހަލަ މައްސަލަތަކާ ހުރެ ގަވާއިދުން ޕީރިއަޑް ނުވެދެ އެވެ.
ޕީރިއަޑް، 21 ދުވަހުން 40 ދުވަހަށް ވުރެ ލަސްވެއްޖެ ނަމަ، އެއީ ސިއްހީ މައްސަލައަކަށް ވުމުގެ ފުރުސަތު ބޮޑެވެ.
ޕީސީއޯއެސްގެ ސަބަބުން ހޯމޯނަލް އިމްބެލެންސް ވާތީ ގަވާއިދުން ޕީރިއަޑް ނުވެދެ އެވެ. ޑޮކްޓަރަށް ދައްކައިގެން ބޭސް ކެއުމުން ގަވާއިދުން ޕީރިއަޑް ވުމަށް މަގުފަހިވެ އެވެ.
މީހާ މާބޮޑަށް ސްޓްރެސްވުމަކީ ވެސް ގަވާއިދުން ޕީރިއަށް ނުވާ ސަބަބެކެވެ.
ކަސްރަތުކުރުމަކީ ދުޅަހެޔޮ ސިއްހަތެއްގައި ހުރުމަށް މުހިއްމު ކަމެކެވެ. އެކަމަކު ކުއްލިއަކަށް މާގަދަޔަށް ކަސްރަތުކުރަން ފަށައިފި ނަމަ، އާންމުކޮށް ޕީރިއަޑްވާ ތާރީހަށް ވުރެ ތަންކޮޅެއް ލަސްވެދާނެ އެވެ.
މީހާ މާބޮޑަށް ބަރުވިޔަސް އަދި މާބޮޑަށް ލުއިވިޔަސް ޕީރިއަޑް މައްސަލަ ދިމާވެދާނެ އެވެ. މިސާލަކަށް، ކެއުމުގެ ޑިސްއޯޑާއެއް ނުވަތަ ޑައިބެޓީސް ކަހަލަ ކަމެއްގެ ސަބަބުން ބަދަލެއް އަޔަސް ޕީރިއަޑް ލަސްވެދާނެ އެވެ.
މަސައްކަތްކުރުމަށް ވަކި ވަގުތެއް ނޯންނަ މީހުން ވެސް ތިބެ އެވެ. ބައެއް ފަހަރު ދަންވަރަށް ޑިއުޓީ އަދާކުރަން ޖެހުމާއި އަނެއްބައި ފަހަރު ދުވާލު މަސައްކަތްކުރަން ޖެހުމުން ގަޑިން ގަޑިއަށް ނިދުމަކީ ވަރަށް ބޮޑު އުނދަގުލަކަށް އޮންނަނީ ވެފަ އެވެ. އެކަމުގެ ސަބަބުން ވެސް ޕީރިއަޑް ލަސްވެދާނެ އެވެ.