30 އެޕްރީލް 2022 - 09:20
ސަލްމާން ޚާނާއި އަނިލް ކަޕޫރް އަދި ފަރްދީން ޚާން ލީޑް ރޯލު ކުޅުނު "ނޯ އެންޓްރީ"ގެ ދެވަނަ ބައެެއް އުފައްދަން ނިންމައިފި އެވެ.
ނޯ އެންޓްރީ އަކީ 2005 ގައި ނެރެނު ކާމިޔާބު ފިލްމެކެވެ. އެ ފިލްމުގެ ދެވަނަ ބައެއްގެ ނެރެން އުޅޭކަމުގެ އަޑުތައް މީގެ އަހަރުތަކެއް ކުރިއްސުރެ ވެސް އިވުނު ނަމަވެސް ސަޕޯޓަރުންގެ އެ އިންތިޒާރަށް ނިމުމެއް އަންނަން މިހާރު ގާތްވެއްޖެ އެވެ.
ރިޕޯޓްތައް ބުނާ ގޮތުގައި ސަލްމާނާއި އަނިލްގެ އިތުރުން ފަރްދީން ވެސް ދެވަނަ ބައިން ފެންނާނެ އެވެ. އެއީ އެ ތިން ތަރިންގެ އޮން-ސްކްރީން ރިޔޫނިއަން އެވެ.
އެ ތިން ތަރިންގެ އިތުރުން އެ ފިލްމުން ދެން ފެނުނީ ލާރާ ދައްތާ އާއި ބިޕާޝާ ބާސޫ އާއި އީޝާ ޑިއޯލް އަދި ސެލީނާ ޖައިތުލޭ އެވެ. އެކަމަކު ދެވަނަ ބައިގެ ލީޑު އަންހެން ތަރިންގެ ގޮތުގައި ފެންނާނީ ކޮން ބައެއް ކަމެއް އަދި ނޭނގެ އެވެ.
އެ ފިލްމުގެ ނަމަކަށް ދީފައި ވަނީ "ނޯ އެންޓްރީ މެއިން އެންޓްރީ" ކަމަށްވެ އެވެ. ބޯނީ ކަޕޫރް ޕްރޮޑިއުސްކޮށް، އަނީސް ބަޒްމީ ޑައިރެކްޓްކުރާ އެ ފިލްމުގެ ޝޫޓިންތައް ވަރަށް އަވަހަށް ފަށާނެ ކަމަށް ޑައިރެކްޓް ބުންޏެވެ.