05 މާޗް 2022 - 19:02
މޮސްކޯ (މާޗް 5) - ރަޝިޔާގެ ގައުމީ އެއާލައިން އެއަރޯފްލޮޓުގެ ބައިނަލްއަގުވާމީ ހުރިހާ ދަތުރުތަކެއް އަވަށްޓެރި ބެލާރުސް ފިޔަވައި، ހުރިހާ ގައުމަކަށް މާޗް 8 އިން ފެށިގެން ހުއްޓާލަން ނިންމައިފި އެވެ.
އެއަރޯފްލޮޓުން ބުނީ ދަތުރުތައް ހުއްޓާލީ އެ އެއާލައިންގެ އޮޕަރޭޝަންތަކަށް ކުރިމަތިވި "ކަންތައްތަކެއްގެ" ސަބަބުން ކަމަށެވެ.
އެއާލައިނުން ބުނީ ބެލާރުސްގެ އިތުރުން ޑޮމެސްޓިކް ހުރިހާ ދަތުރުތަކެއް ވެސް ޝެޑިއުލާ އެއްގޮތަށް ކުރިއަށްދާނެ ކަމަށެވެ.
ރަޝިޔާ އިން ޔުކްރޭނަށް އެރުމާ ގުޅިގެން އީޔޫ، އިނގިރޭސި ވިލާތް، އެމެރިކާ އަދި ކެނެޑާގެ ވައިގެ ސަރަހައްދު ވަނީ އެއަރޯފްލޮޓުގެ މަތިންދާ ބޯޓުތަކަށް ބަންދުކޮށްފަ އެވެ. އެހެންވެ އެހެން ޑެސްޓިނޭޝަންތަކަށް ދަތުރުކުރުމަށް އެ އެއާލައިނުން ދިގު ރޫޓެއް ނަގަން ޖެހެ އެވެ.
އެއަރޯފްލޮޓުގެ އިތުރުން ރަޝިޔާގެ އެހެން އެއާލައިންތަކާ ދެކޮޅަށް ވެސް ވަނީ ބައިނަލްއަގުވާމީ ދަތިކުރުމުގެ ފިޔަވަޅުތައް އަޅައިފަ އެވެ. ނަތީޖާއެއްގެ ގޮތުން ރަޝިޔާގެ ހުރިހާ އެއާލައިންތަކެއްގެ އާދައިގެ އޮޕަރޭޝަންތަކަށް ވަނީ ބުރޫ އަރައިފަ އެވެ.
އެއަރޯފްލޮޓަކީ ރަޝިޔާގެ ޓޫރިސްޓުން ރާއްޖެ އަށް އެންމެ ގިނައިން އުފުލާ އެއް އެއާލައިނެވެ.