20 ޖެނުއަރީ 2022 - 00:24
ރާއްޖޭގައި ކޮވިޑް-19ގެ ކޭސްތައް އަލުން މައްޗަށް ދާން ފެށިފަހުން، އެއް ދުވަހުގެ ކޭސްތަކުގެ އަދަދު ފުރަތަމަ ފަހަރަށް 2،000 އިން މައްޗަށް އަރައިފި އެވެ.
އެޗްޕީއޭއިން މިރޭ އާންމުކުރި ތަފާސްހިސާބުތަކުން ދައްކާ ގޮތުގައި، އިއްޔެ އިރުއޮއްސި 6 އިން މިއަދު އިރުއޮއްސި 6 އިން ޓެސްޓުކުރި 7،171 ސާމްޕަލުން 2،137 ޕޮޒިޓީވް ކޭސް ވަނީ ފެނިފަ އެވެ. އެއީ މާލެ ސަރަހައްދުން 1،219 މީހުންނާއި ރަށްރަށުން 547 މީހުންނާއި އަދި ރިސޯޓުތަކުން 89 މީހެކެވެ.
މާލޭގައި ކޮވިޑްގެ ސާމްޕަލް ޕޮޒިޓިވިޓީ ރޭޓް މިހާރު ހުރީ 36 ޕަސެންޓުގަ އެވެ.
މިހާރު އެކްޓީވް ކޭސްތަކުގެ އަދަދު އުޅެނީ 9،574 ގަ އެވެ. މި ބަލީގައި ރާއްޖެއިން 265 މީހަކު ވަނީ މަރުވެފަ އެވެ. ބަލި ޖެހޭ މީހުން ގިނަޔަސް މި ވަގުތު އެޑިމިޓްކޮށްގެން ފަރުވާ ދެމުން އަންނަނީ 43 މީހަކަށެވެ.
ރާއްޖޭގައި ދުވާލެއްގެ ކޮވިޑް ކޭސްތަކުގެ އަދަދު 2،000 މައްޗަށް މީގެ ކުރިން ގޮސްފައި ވަނީ، ހާލަތު އެންމެ ގޯސްވި ދުސްވަރު ކަމަށްވާ ކޮވިޑްގެ ދެވަނަ ރާޅުގަ އެވެ.
މި ދުވަސްވަރު ދުނިޔޭގައި ހަލުވިކަމާ އެކު ފެތުރެމުންދާ ކޮވިޑްގެ އާ ވޭރިއެންޓް، އޮމިކްރޮން ރާއްޖެއިން ފެނުނު ފަހުން ކޭސްތަކުގެ އަދަދު މިހާ މައްޗަށް ގޮސްފައި ވަނީ މި މަހު ކުރީކޮޅުން ފެށިގެންނެވެ.
ރާއްޖޭގައި މިހާރު ވަނީ ކޮވިޑްގެ ބޫސްޓަ ޑޯޒް ވެސް ދޭން ފަށައިފަ އެވެ. ވެކްސިން ފުރިހަމަކޮށްފައިވާ މީހުންގެ އަދަދު ވެސް 400،000 އާ މިހާރު ގާތްކުރެ އެވެ.